महत्वाच्या बातम्या

  चंद्रपूर बातम्या

राजुरातील १७ टायर चोरीप्रकरणी मध्य प्रदेशातील दोघांना अटक : १० लाखांचा मुद्देमाल जप्त बातम्या - Chandrapur

राजुरातील १७ टायर चोरीप्रकरणी मध्य प्रदेशातील दोघांना अटक : १० लाखांचा मुद्देमाल जप्त


विदर्भ न्यूज एक्सप्रेस प्रतिनिधी / चंद्रपूर : मालवाहू ट्रकचे टायर चोरणाऱ्या आंतरराज्यीय टोळीचा राजुरा पोलिसांनी पर्दाफाश केला आहे. मध्य प्रदेशातील शहडोल जिल्ह्यातील आरोपी रामलाल गिरधारी यादव (वय २७) आणि अजय श्रीकाशी पेटल (वय ३०) या दोघांना अटक करण्यात आली आहे. रायपूर येथून कोळशाची वाहतूक करून राजुऱ्यात आलेल्या दोन ट्रकचे तब्बल १७ टायर डिस्कसह चोरीला गेले होते. या प्रकरणाचा तपास करत पोलिसांनी चोरीचे १७ टायर आणि गुन्ह्यात वापरलेली बोलेरो पिकअप असा एकूण १० लाख रुपयांचा मुद्देमाल जप्त केला आहे.राकेशकुमार देवीलाल रांगडाले (वय ४७), रा. रायपूर, छत्तीसगड) यांच्या एसव्हीए ट्रान्सपोर्टिंग कंपनीचे दोन ट्रक कोळशाची वाहतूक करण्यासाठी राजुरा तालुक्यातील पांढरपौनी येथील भाटिया कोल वॉशरीमध्ये आले होते. तेथील माल खाली केल्यानंतर दोन्ही ट्रक लॉयड्स मेटल येथील रेल्वे सायडिंगवर माल भरण्यासाठी रवाना ...

- VNX बातम्या | अधिक वाचा.. →
जिल्ह्यातील ५० ग्रामपंचायतींमध्ये स्वस्तिक पद्धतीने वृक्ष लागवड मोहिमेचा शुभारंभ बातम्या - Chandrapur

जिल्ह्यातील ५० ग्रामपंचायतींमध्ये स्वस्तिक पद्धतीने वृक्ष लागवड मोहिमेचा शुभारंभ


- ४० हजार वृक्ष लागवडीचे उद्दिष्टविदर्भ न्यूज एक्सप्रेस   प्रतिनिधी / चंद्रपूर : जिल्ह्यातील दुष्काळजन्य परिस्थितीच्या पार्श्वभूमीवर ग्रामीण भागात रोजगारनिर्मितीला चालना देण्यासोबतच पर्यावरण संवर्धन आणि ग्रामविकासाला नवी दिशा देण्यासाठी जिल्हा प्रशासनाने महत्त्वाकांक्षी उपक्रम हाती घेतला आहे. जिल्हाधिकारी वसुमना पंत यांच्या संकल्पनेतून आणि जिल्हा परिषदेचे मुख्य कार्यकारी अधिकारी पुलकित सिंह यांच्या सहकार्याने जिल्ह्यातील ५० ग्रामपंचायतींमध्ये एकाच दिवशी स्वस्तिक पद्धतीने वृक्षलागवड मोहिमेचा शुभारंभ करण्यात आला. भद्रावती तालुक्यातील सागरा व कोंडेगाव ग्रामपंचायतींमध्ये उपजिल्हा कार्यक्रम समन्वयक गिरीश धायगुडे यांच्या हस्ते मोहिमेचा शुभारंभ करण्यात आला. याच वेळी जिल्हा परिषदेच्या विविध विभाग प्रमुखांनी संबंधित ग्रामपंचायतींमध्ये प्रत्यक्ष उपस्थित राहून स्वहस्ते वृक्षारोपण केले....

- VNX बातम्या | अधिक वाचा.. →
वाईन शॉपीचे शटर तोडून ६५ हजारांची रोकड लंपास : सीसीटीव्हीत चोरटा कैद बातम्या - Chandrapur

वाईन शॉपीचे शटर तोडून ६५ हजारांची रोकड लंपास : सीसीटीव्हीत चोरटा कैद


विदर्भ न्यूज एक्सप्रेस  प्रतिनिधी / चंद्रपूर : चंद्रपूर शहरातील वडगाव परिसरातील नागपूर रोडवरील सीबीसी मॉल येथील मनोहर वाईन शॉपीला चोरट्याने लक्ष्य करत शटरचे लॉक तोडून आत प्रवेश केला आणि काउंटरमध्ये ठेवलेली अंदाजे ६५ हजार रुपयांची रोकड लंपास केली. १२ ऑक्टोबरच्या रात्री दुकान बंद केल्यानंतर ते १३ ऑक्टोबरच्या सकाळी उघडण्यापूर्वीच्या वेळेत ही चोरी घडली. सकाळी दुकानाचे शटर अर्धवट उघडे आणि लॉक तुटलेल्या अवस्थेत दिसल्याने चोरीचा प्रकार उघडकीस आला.वाईन शॉपीचे मालक सचिन संजय बेरडे यांनी नेहमीप्रमाणे १२ ऑक्टोबर रोजी रात्री दहाच्या सुमारास दुकानाचा हिशोब केला. दिवसभराच्या व्यवहारातील एक लाख ४४ हजार रुपये सोबत घेतल्यानंतर उर्वरित अंदाजे ६५ हजार रुपये काउंटरमध्ये ठेवून त्यांनी दुकानाचे शटर बंद करून लॉक केले. त्यानंतर ते व्यवस्थापक आणि कर्मचाऱ्यांसह घरी निघून गेले. मात्र, दुसऱ्याच दिवशी सकाळी दुकान...

- VNX बातम्या | अधिक वाचा.. →
रत्नापूर येथे उमेद अभियानाचा बँक मेळावा उत्साहात संपन्न बातम्या - Chandrapur

रत्नापूर येथे उमेद अभियानाचा बँक मेळावा उत्साहात संपन्न


- १५ स्वयंसहाय्यता बचत गटांना बँक कर्ज प्रमाणपत्रांचे वितरण; आर्थिक समावेशनावर भरविदर्भ न्यूज एक्सप्रेस  तालुका प्रतिनिधी / सिंदेवाही : महाराष्ट्र राज्य ग्रामीण जीवनोन्नती अभियान (उमेद) अंतर्गत सिंदेवाही तालुक्यातील रत्नापूर येथे मंगळवार १३ ऑक्टोबर २०२६ रोजी बँक मेळाव्याचे आयोजन करण्यात आले. ग्रामीण भागातील महिला स्वयंसहाय्यता बचत गटांना बँकिंग सेवांशी जोडणे, कर्ज सुविधा उपलब्ध करून देणे आणि महिलांना आर्थिकदृष्ट्या सक्षम करणे हा या मेळाव्याचा प्रमुख उद्देश होता. या कार्यक्रमात १५ स्वयंसहाय्यता बचत गटांना बँक कर्ज प्रमाणपत्रांचे वितरण करण्यात आले.या मेळाव्याला जिल्हा अभियान व्यवस्थापक  प्रवीण भांडारकर, जिल्हा व्यवस्थापक (आर्थिक समावेशन)  नरेंद्र नगराळे, बँक व्यवस्थापक. मोहुर्ले, बँक ऑफ इंडिया, नवरगाव शाखेचे शाखा व्यवस्थापक पांडा,  रमाकांत लोधे , संजय गहाणे,  कल्पना ...

- VNX बातम्या | अधिक वाचा.. →
एमबीबीएस प्रवेशाचे स्वप्न दाखवून पालकांची ८.९८ लाखांची फसवणूक : मुलांच्या भविष्याची चिंता करताना बसला आर्थिक फटका बातम्या - Chandrapur

एमबीबीएस प्रवेशाचे स्वप्न दाखवून पालकांची ८.९८ लाखांची फसवणूक : मुलांच्या भविष्याची चिंता करताना बसला आर्थिक फटका


विदर्भ न्यूज एक्सप्रेस   प्रतिनिधी / चंद्रपूर : मुलांनी डॉक्टर व्हावे, त्यांच्या गळ्यात स्टेथोस्कोप पडावा आणि त्यांनी आयुष्यात मोठे यश मिळवावे, या स्वप्नासाठी पालक रात्रंदिवस कष्ट करतात. मुलांच्या शिक्षणासाठी पै-पै जमवून भविष्याची तरतूद करतात. मात्र, याच स्वप्नांचा आधार घेत एमबीबीएसला प्रवेश मिळवून देण्याचे आमिष दाखवून चंद्रपुरातील एका औषध व्यावसायिकासह त्यांच्या मित्राची ८ लाख ९८ हजार रुपयांची आर्थिक फसवणूक झाल्याची घटना उघडकीस आली आहे. या प्रकरणी रामनगर पोलीस ठाण्यात तक्रार दाखल करण्यात आली आहे.चंद्रपुरातील तुकूम परिसरात राहणारे मंगेश भोंबे हे औषध एजन्सीचा व्यवसाय करतात. त्यांच्या मित्राची गुगलवर ऑनलाइन शोध घेतल्यानंतर वैद्यकीय प्रवेशासाठी समुपदेशन करणाऱ्या व्यक्तीशी ओळख झाली. संबंधित व्यक्तीने आपल्या ओळखीच्या माध्यमातून एमबीबीएस आणि बीडीएस अभ्यासक्रमांना कमी खर्चात प्रवेश...

- VNX बातम्या | अधिक वाचा.. →
बाबासाहेबांच्या पवित्र अस्थिधातू कलशाचे दर्शन घेण्याची संधी : दीक्षाभूमीवर उद्यापासून ७० वा धम्मचक्र अनुप्रवर्तन समारंभ बातम्या - Chandrapur

बाबासाहेबांच्या पवित्र अस्थिधातू कलशाचे दर्शन घेण्याची संधी : दीक्षाभूमीवर उद्यापासून ७० वा धम्मचक्र अनुप्रवर्तन समारंभ


विदर्भ न्यूज एक्सप्रेस प्रतिनिधी / चंद्रपूर : समता, स्वातंत्र्य, बंधुता आणि मानवतेचा संदेश देणाऱ्या महामानव डॉ. बाबासाहेब आंबेडकर यांच्या विचारांना उजाळा देणारा ७० वा धम्मचक्र अनुप्रवर्तन समारंभ उद्या, १५ आणि १६ ऑक्टोबर रोजी ऐतिहासिक दीक्षाभूमीवर आयोजित करण्यात आला आहे. डॉ. बाबासाहेब आंबेडकर मेमोरिअल सोसायटी आणि दीक्षाभूमी विहार विकास समिती यांच्या संयुक्त विद्यमाने होणारा हा सोहळा धम्माची समृद्धी, मानवी कल्याण आणि सामाजिक समतेचा संदेश देणारा ठरणार आहे. या सोहळ्याचे सर्वांत भावस्पर्शी आकर्षण म्हणजे बाबासाहेबांचा पवित्र अस्थिधातू कलश नागरिकांना दर्शनासाठी उपलब्ध करून दिला जाणार आहे. बाबासाहेबांच्या अस्थिधातू कलशाचे दर्शन घेण्याची ही संधी अनुयायांसाठी श्रद्धा, अभिमान आणि भावनेचा अनमोल क्षण ठरणार आहे.१५ ऑक्टोबर रोजी सायंकाळी ४ वाजता शहरातील डॉ. बाबासाहेब आंबेडकर यांच्या पुतळ्याला अभ...

- VNX बातम्या | अधिक वाचा.. →
चंद्रपुरात एलसीबीचा तंबाखू तस्करांवर छापा : दोघे ताब्यात, १.२३ लाखांचा मुद्देमाल जप्त बातम्या - Chandrapur

चंद्रपुरात एलसीबीचा तंबाखू तस्करांवर छापा : दोघे ताब्यात, १.२३ लाखांचा मुद्देमाल जप्त


विदर्भ न्यूज एक्सप्रेस प्रतिनिधी / चंद्रपूर : प्रतिबंधित सुगंधी तंबाखूची अवैध वाहतूक करणाऱ्यांविरुद्ध स्थानिक गुन्हे शाखा (एलसीबी), चंद्रपूरने धडक कारवाई करत दोन आरोपींना ताब्यात घेतले. या कारवाईत तेलंगणा राज्यातून विनापरवाना आणलेला १ लाख २३ हजार ३७५ रुपये किमतीचा प्रतिबंधित सुगंधी तंबाखू आणि वाहतुकीसाठी वापरण्यात आलेली मोटारसायकल पोलिसांनी जप्त केली. या कारवाईमुळे अवैध तंबाखू वाहतूक करणाऱ्यांमध्ये खळबळ उडाली आहे.१३ ऑक्टोबर २०२६ रोजी स्थानिक गुन्हे शाखेचे पथक चंद्रपूर शहर पोलीस ठाण्याच्या हद्दीत पेट्रोलिंग करीत असताना मिळालेल्या गुप्त माहितीच्या आधारे सापळा रचण्यात आला. या कारवाईदरम्यान साहिल मंगल वांढे २४ वर्ष रा. बिनबागेट वार्ड, चंद्रपूर आणि वसंत नागोजी नरड ६० वर्ष रा. हनुमान वार्ड, चंद्रपूर या दोघांना ताब्यात घेण्यात आले.आरोपींकडून तेलंगणा राज्यातून विनापरवाना आणलेला हुक्का शिशा, ई...

- VNX बातम्या | अधिक वाचा.. →
बल्लारपुरात आजपासून रंगणार रंगताली गरबा उत्सव : हजारो रुपयांच्या बक्षिसांची लयलूट बातम्या - Chandrapur

बल्लारपुरात आजपासून रंगणार रंगताली गरबा उत्सव : हजारो रुपयांच्या बक्षिसांची लयलूट


विदर्भ न्यूज एक्सप्रेस तालुका प्रतिनिधी / बल्लारपूर : नवरात्रोत्सवाच्या उत्साहाला रंगताली गरबा उत्सवाची रंगत लाभणार असून, बल्लारपूर शहरातील महिला महाविद्यालयाच्या पटांगणात, संत तुकाराम महाराज हॉलजवळ १४, १५ आणि १६ ऑक्टोबर रोजी भव्य गरबा उत्सवाचे आयोजन करण्यात आले आहे. या उत्सवात विविध स्पर्धांचे आयोजन करण्यात आले असून, विजेत्या स्पर्धकांना हजारो रुपयांची बक्षिसे देण्यात येणार आहेत. त्यामुळे गरबाप्रेमींसाठी हा उत्सव विशेष आकर्षण ठरणार आहे.या गरबा उत्सवाचे उद्घाटन बल्लारपूर नगर परिषदेच्या नगराध्यक्षा अल्का वाढई यांच्या हस्ते पूजा-अर्चना करून करण्यात येणार आहे. डॉ. रजनी हजारे यांच्या नेतृत्वात या उत्सवाचे आयोजन करण्यात आले असून, शहरातील महिला, युवक-युवती आणि लहान मुलांना आपल्या कलागुणांचे प्रदर्शन करण्यासाठी हक्काचे व्यासपीठ उपलब्ध होणार आहे.रंगताली गरबा उत्सवात विविध वयोगटांतील स्पर्धकां...

- VNX बातम्या | अधिक वाचा.. →
२२ वर्षांपासून फरार खुनी हल्ल्याचा आरोपी ब्रह्मपुरी पोलिसांच्या ताब्यात बातम्या - Chandrapur

२२ वर्षांपासून फरार खुनी हल्ल्याचा आरोपी ब्रह्मपुरी पोलिसांच्या ताब्यात


विदर्भ न्यूज एक्सप्रेस तालुका प्रतिनिधी / ब्रह्मपुरी : पत्नीवर प्राणघातक हल्ला करून गंभीर जखमी केल्याप्रकरणी सन २००४ पासून फरार असलेल्या आरोपीला ब्रह्मपुरी पोलिसांनी तब्बल २२ वर्षांनंतर नागपूर जिल्ह्यातील नरसाळा येथून ताब्यात घेतले. रमेश झिंगूजी खानोरकर (रा. कुऱ्हा, ब्रह्मपुरी) असे आरोपीचे नाव असून, गुन्हा दाखल झाल्यानंतर तो आपली ओळख लपवून दुसऱ्या ठिकाणी वास्तव्यास होता. न्यायालयानेही त्याला फरार घोषित केले होते.सन २००४ मध्ये ब्रह्मपुरी पोलीस ठाण्यात गुन्हा क्रमांक ६३/२००४ अन्वये भारतीय दंड विधानाच्या कलम ३०७ आणि ३२६ अंतर्गत गुन्हा दाखल करण्यात आला होता. या प्रकरणात रमेश खानोरकर याने आपल्या पत्नीवर प्राणघातक हल्ला करून तिला गंभीर जखमी केले होते. गुन्हा दाखल झाल्यापासून तो पोलिसांना गुंगारा देत फरार होता. ब्रह्मपुरी पोलिसांकडून गेल्या २२ वर्षांपासून त्याचा सातत्याने शोध घेतला जात होता;...

- VNX बातम्या | अधिक वाचा.. →
राजुरा-बल्लारपूर मार्गावर ट्रकच्या धडकेत २४ वर्षीय तरुणाचा मृत्यू बातम्या - Chandrapur

राजुरा-बल्लारपूर मार्गावर ट्रकच्या धडकेत २४ वर्षीय तरुणाचा मृत्यू


विदर्भ न्यूज एक्सप्रेस प्रतिनिधी / चंद्रपूर : राजुरा ते बल्लारपूर मार्गावरील पुलाजवळ आज सायंकाळच्या सुमारास ट्रक आणि दुचाकीचा भीषण अपघात झाला. या अपघातात आवाळपूर, ता. कोरपना येथील २४ वर्षीय आदर्श कैलास राठोड याचा मृत्यू झाला. अपघाताची माहिती मिळताच राजुरा पोलिसांनी घटनास्थळी धाव घेत जखमी युवकाला तातडीने उपजिल्हा रुग्णालय, राजुरा येथे दाखल केले. मात्र, डॉक्टरांनी तपासणीअंती त्याला मृत घोषित केले.मिळालेल्या माहितीनुसार, रेल्वे साइडिंगवर लोहखनिज खाली करून परत येणारा ट्रक क्रमांक एमएच ३३ टी ३९५२ राजुरा-बल्लारपूर मार्गाने जात होता. दरम्यान, पुलाजवळ ट्रकची दुचाकी क्रमांक एमएच ३४ एटी ८३१४ ला जोरदार धडक बसली. या धडकेत दुचाकीस्वार आदर्श कैलास राठोड गंभीर जखमी झाला. अपघाताची माहिती मिळताच पोलिसांनी घटनास्थळ गाठून त्याला उपचारासाठी रुग्णालयात हलविले; मात्र त्याचा जीव वाचू शकला नाही.या अपघात...

- VNX बातम्या | अधिक वाचा.. →