चंद्रपूर बातम्या
बातम्या -
Chandrapur
विदर्भ न्यूज एक्सप्रेस प्रतिनिधी / चंद्रपूर : पोटाची खळगी भरण्यासाठी शेतात गेले अन् मृत्यूनेच गाठले! सिंदेवाही वनपरिक्षेत्रात वाघाच्या हल्ल्याने दोन दिवसांत दोन जणांचा बळी घेतल्याने परिसरात भीतीचे सावट पसरले आहे. शनिवारी पळसगाव (जाट) येथील ६० वर्षीय शेतकरी नानाजी नारायण कामडी यांचा मृत्यू झाला, तर रविवारी भेंडाळा (खातगाव) येथील ५५ वर्षीय प्रेमीला बंडू महाडोरे यांचा वाघाच्या हल्ल्यात मृत्यू झाला. सलग दोन दिवस घडलेल्या या घटनांनी शेतकरी कुटुंबांवर दुःखाचा डोंगर कोसळला असून, शेतात जायचे तरी कसे, असा प्रश्न आता प्रत्येक शेतकऱ्याला सतावत आहे.या घटनेची माहिती मिळताच सिंदेवाही पोलीस ठाण्याच्या निरीक्षक लता वाढिवे यांच्या नेतृत्वाखालील पोलीस पथक, वनपरिक्षेत्र अधिकारी अंजली बोरावार/सायंकार आणि स्वाब संस्थेचे यश कायरकर व त्यांचे पथक घटनास्थळी दाखल झाले. पंचनामा केल्यानंतर मृतदेह शवविच्छेदन...
बातम्या -
Chandrapur
विदर्भ न्यूज एक्सप्रेस प्रतिनिधी / चंद्रपूर : माजरी रेल्वे स्थानक परिसरात एका इसमाच्या डोक्यावर ग्रॅनाइटच्या फरशीने वार करून त्याला गंभीर जखमी केल्याची घटना घडली. या प्रकरणातील दोन आरोपींना रेल्वे पोलिसांनी अवघ्या एका दिवसात ताब्यात घेतले. जीआरपी वर्धा, एलसीबी जीआरपी नागपूर आणि आरपीएफ चंद्रपूर यांच्या संयुक्त पथकाने ही कारवाई केली.प्राप्त माहितीनुसार, माजरी रेल्वे स्थानकावर दोन अज्ञात इसमांनी एका व्यक्तीच्या डोक्यावर ग्रॅनाइटच्या फरशीने वार केला. या हल्ल्यात संबंधित व्यक्तीच्या डोक्याला गंभीर दुखापत झाली. जखमीला उपचारासाठी वरोरा येथील शासकीय रुग्णालयात दाखल करण्यात आले. या घटनेप्रकरणी रेल्वे पोलीस ठाणे, वर्धा येथे गुन्हा क्रमांक २९७/२०२६ अन्वये भारतीय न्याय संहिता कलम ११८(१) अंतर्गत गुन्हा दाखल करण्यात आला.घटनेचे गांभीर्य लक्षात घेऊन पोलिसांनी तातडीने तपासाची चक्रे फिरवली. जीआरपी...
बातम्या -
Chandrapur
विदर्भ न्यूज एक्सप्रेस तालुका प्रतिनिधी / बल्लारपूर : शहरातील आंबेडकर वॉर्ड परिसरात अवैधरित्या रेतीची वाहतूक होत असल्याची माहिती मिळताच बल्लारपूर पोलिसांनी कारवाई केली. स्टार वाईन शॉपजवळील मोकळ्या जागेत रेतीने भरलेले ट्रॅक्टर आढळून आले. पोलिसांनी ट्रॅक्टर, ट्रॉली आणि एक ब्रास रेती असा एकूण ५ लाख ५ हजार रुपयांचा मुद्देमाल ताब्यात घेतला. याप्रकरणी ट्रॅक्टरचालक पुरुषोत्तम रामकृष्ण राऊत ४५ वर्ष रा. अमितनगर, बामणी, ता. बल्लारपूर आणि ट्रॅक्टरमालकाविरुद्ध गुन्हा नोंदविण्याची प्रक्रिया करण्यात आली.रविवार, २५ ऑक्टोबर रोजी बल्लारपूर पोलीस ठाण्यात कर्तव्यावर असलेले पोलीस हवालदार नागोराव भेंडेकर यांना आंबेडकर वॉर्ड परिसरातून अवैधरित्या रेती भरून ट्रॅक्टर वाहतूक करत असल्याची गोपनीय माहिती मिळाली. या माहितीच्या आधारे त्यांनी पोलीस शिपाई लखन यांच्यासह घटनास्थळी धाव घेतली.यावेळी आंबेडकर वॉ...
बातम्या -
Chandrapur
- २५ हजार युवकांच्या सहभागातून जानेवारी २०२७ मध्ये चंद्रपुरात भव्य युवा संमेलन; ज्ञानयुक्त, नशामुक्त आणि समृद्ध चंद्रपूर घडविण्याचा संकल्प- मन की बातच्या १२ वर्षपूर्तीनिमित्त चंद्रपुरात भव्य कार्यक्रम; १३८ भागांच्या QR कोडयुक्त पुस्तकाचे विमोचन- मन की बात म्हणजे विचारांचे ऊर्जा केंद्र; सामान्य माणसाच्या कर्तृत्वातून राष्ट्रनिर्मितीची प्रेरणाविदर्भ न्यूज एक्सप्रेस प्रतिनिधी / चंद्रपूर : देशगौरव पंतप्रधान नरेंद्रजी मोदी यांच्या मन की बातमधून मिळालेली प्रेरणा माझ्यासाठी केवळ विचारांपुरती मर्यादित राहिली नाही, तर चंद्रपूर जिल्ह्याच्या सर्वांगीण विकासासाठी काहीतरी भरीव करण्याची ऊर्जा ठरली. आपण केलेल्या प्रयत्नातून समाजात मोठा बदल घडू शकतो, हा विश्वास मन की बात ने दिला. याच प्रेरणेतून शिक्षण, आरोग्य, कौशल्य विकास, पर्यावरण संवर्धन, बांबू संशोधन आणि रोजगारनिर्मिती अशा विविध क्षेत्रांत च...
बातम्या -
Chandrapur
- मामला वनपरिक्षेत्रातील कंपार्टमेंट क्रमांक ४१८ मधील घटना; वन विभागाकडून पंचनामाविदर्भ न्यूज एक्सप्रेसप्रतिनिधी / चंद्रपूर : चंद्रपूर जिल्ह्यातील चिंचपल्ली गावाजवळ रेल्वेची धडक बसून सुमारे एक वर्ष वयाच्या बिबट मादीचा मृत्यू झाल्याची घटना शनिवारी सकाळी उघडकीस आली. एफडीसीएमच्या मामला वनपरिक्षेत्रातील कंपार्टमेंट क्रमांक ४१८ मध्ये ही घटना घडली. या घटनेमुळे रेल्वे मार्गावरून जाणाऱ्या वन्यप्राण्यांच्या सुरक्षिततेचा प्रश्न पुन्हा ऐरणीवर आला आहे.मिळालेल्या माहितीनुसार, चिंचपल्ली गावाजवळील रेल्वे पूल क्रमांक १२२८/५ परिसरात रेल्वे रुळ ओलांडताना बिबट मादीला रेल्वेची धडक बसली. या अपघातात तिचा मृत्यू झाला. शनिवारी सकाळी या घटनेची माहिती रेल्वे विभागाकडून एफडीसीएमच्या वन विभागाला देण्यात आली.वन कर्मचाऱ्यांकडून घटनास्थळाची पाहणी -घटनेची माहिती मिळताच मामला वनपरिक्षेत्रातील वन कर्मचाऱ्यांनी घटनास्थळी धा...
बातम्या -
Chandrapur
- आतापर्यंत ५३ हजार ४७३ शेतकरी कर्जमाफीसाठी पात्र- पात्र शेतकऱ्यांनी आधार प्रमाणीकरण करून घेण्याचे आवाहनविदर्भ न्यूज एक्सप्रेस प्रतिनिधी / चंद्रपूर : महाराष्ट्र शासनाच्या पुण्यश्लोक अहिल्यादेवी होळकर शेतकरी कर्जमुक्ती योजना-२०२६ अंतर्गत पात्र लाभार्थ्यांची चवथी यादी प्रसिद्ध करण्यात आली असून, यात चंद्रपूर जिल्ह्यातील १११५ शेतकऱ्यांचा समावेश आहे. यामध्ये जिल्हा मध्यवर्ती सहकारी बँकेच्या ६८२ तर राष्ट्रीयकृत बँकांच्या ४३३ शेतकरी सभासदांचा समावेश आहे. विशेष म्हणजे आतापर्यंत जिल्ह्यातील ५३ हजार ४७३ शेतकरी कर्जमाफीसाठी पात्र ठरले आहेत.महाराष्ट्र शासनाने २ जून २०२६ रोजीच्या शासन निर्णयान्वये पुण्यश्लोक अहिल्यादेवी होळकर शेतकरी कर्जमुक्ती योजना-२०२६ सुरू केली आहे. या योजनेंतर्गत १ एप्रिल २०१९ ते ३१ मार्च २०२५ या कालावधीत वितरित झालेल्या, ३० सप्टेंबर २०२५ पर्यंत थकीत असलेल्या तसेच ३१ मार्च २०२...
बातम्या -
Chandrapur
विदर्भ न्यूज एक्सप्रेस प्रतिनिधी / चंद्रपूर : सिंदेवाही तालुक्यातील पळसगाव जाट येथे शेतात काम करीत असताना वाघाने हल्ला केल्याने ६० वर्षीय शेतकऱ्याचा जागीच मृत्यू झाल्याची दुर्दैवी घटना २४ ऑक्टोबर रोजी सायंकाळी साडेसात वाजताच्या सुमारास घडली. नानाजी नारायण कामडी असे मृत शेतकऱ्याचे नाव आहे.प्राप्त माहितीनुसार, नानाजी कामडी हे पळसगाव जाट येथील रहिवासी असून शेती हा त्यांच्या उदरनिर्वाहाचा मुख्य व्यवसाय होता. शनिवारी सायंकाळी ते आपल्या शेतात काम करीत असताना अचानक वाघाने त्यांच्यावर हल्ला केला. या हल्ल्यात त्यांचा जागीच मृत्यू झाला.घटनेची माहिती मिळताच वनविभागाचे अधिकारी, कर्मचारी तसेच पोलीस घटनास्थळी दाखल झाले होते. पंचनामा करून मृतदेह शवविच्छेदनासाठी पाठविण्यात आले. घटनेमुळे पळसगाव जाट परिसरात भीतीचे वातावरण निर्माण झाले असून शेतात काम करणाऱ्या शेतकऱ्यांच्या सुरक्षेचा प्रश्न पुन्हा ऐरणीवर...
बातम्या -
Chandrapur
विदर्भ न्यूज एक्सप्रेस तालुका प्रतिनिधी / बल्लारपूर : ड्राय डेच्या दिवशी अवैधरित्या दारूची साठवणूक करून विक्री केली जात असल्याच्या माहितीवरून बल्लारपूर पोलिसांनी दोन वेगवेगळ्या ठिकाणी कारवाई केली. या कारवाईत शंकर मधुकर कामटकर ३५ वर्ष , रा. श्रीराम चौक, विसापूर आणि राजेश मैकुलाल बहुरिया ४८ वर्ष , रा. सरदार पटेल वार्ड, बल्लारपूर यांच्याकडून एकूण २ हजार ६२० रुपये किमतीची देशी व विदेशी दारू जप्त करण्यात आली. या दोन्ही प्रकरणांत महाराष्ट्र दारूबंदी कायद्याच्या कलम ६५ (ई) अन्वये गुन्हे नोंदविण्याची प्रक्रिया करण्यात आली.पहिल्या कारवाईत विसापूर येथील श्रीराम चौक परिसरात राहणारा शंकर मधुकर कामटकर हा आपल्या घरी देशी दारू बाळगून अवैधरित्या विक्री करीत असल्याची माहिती पोलिसांना मिळाली. त्यानुसार पोलिसांनी त्याच्या घराची झडती घेतली. यावेळी घराच्या व्हरांड्यात जिन्याखाली काळ्या रंगाच्या प्लास्टिक ...
बातम्या -
Chandrapur
विदर्भ न्यूज एक्सप्रेसप्रतिनिधी / चंद्रपूर : जंगलात गुरे चारण्यासाठी गेलेले आपले माणसं पुन्हा सुखरूप घरी परततील की नाही, या चिंतेने ग्रासलेल्या सामदा आणि परिसरातील गावकऱ्यांना अखेर मोठा दिलासा मिळाला आहे. मागील महिनाभरापासून मृत्यूची दहशत निर्माण करणाऱ्या T-१२२ या नरभक्षी वाघाला जेरबंद करण्यात सावली वनविभागाला यश आले आहे. या वाघाने तीन गुराख्यांचा बळी घेतल्याने परिसरातील अनेक कुटुंबांवर दुःखाचा डोंगर कोसळला होता. जंगलाच्या वाटेवर पाऊल टाकतानाही धडकी भरविणाऱ्या या वाघाला अखेर पकडण्यात आल्याने वनविभागासह नागरिकांनी सुटकेचा श्वास घेतला आहे.सावली वनपरिक्षेत्रातील व्याहाड उपवनक्षेत्रांतर्गत सामदा, निलसनी, पेडगाव, सोनापूर आणि वाघोली-बुटी परिसरात या वाघाने दहशत माजविली होती. उदरनिर्वाहासाठी गुरे चारायला जंगल परिसरात जाणाऱ्या गुराख्यांसाठी ही वाट जीवघेणी ठरली. तीन गुराख्यांचा वाघाच्या हल्ल्या...
बातम्या -
Chandrapur
विदर्भ न्यूज एक्सप्रेसप्रतिनिधी / चंद्रपूर : मुलाला भेटण्यासाठी निघालेल्या ६३ वर्षीय वृद्धाला अमली पदार्थांच्या तपासणीचे कारण सांगून दोन अनोळखी व्यक्तींनी गंडा घातला. तपासणीच्या नावाखाली विश्वास संपादन करून वृद्धाच्या गळ्यातील सुमारे ३५ हजार रुपये किमतीचा सोन्याचा गोफ काढून घेत त्याऐवजी कागदाच्या पुडीत दोन बनावट साखळ्या ठेवून भामटे पसार झाले. ही घटना २३ ऑक्टोबर रोजी तळोधी बाळापूर पोलीस ठाण्याच्या हद्दीत घडली.मेंढा वळणी येथील अशोक माधव रामटेके (वय ६३) हे आपल्या मुलाला भेटण्यासाठी दुचाकीने सावरगाव येथे जात होते. दरम्यान, नर्सरीजवळ दुचाकीवरून आलेल्या सुमारे ४० ते ५० वयोगटातील दोन अनोळखी व्यक्तींनी त्यांना थांबविले. अमली पदार्थांची तपासणी सुरू असून, सोन्याचे दागिने घालण्यास मनाई असल्याचे त्यांनी रामटेके यांना सांगितले.त्यांच्या बोलण्यावर विश्वास ठेवून रामटेके यांनी गळ्यातील सुमारे १० ग्रॅ...