Petrol Price
प्रतिबंधित सु्गंधित तंबाखूची अवैधरित्या वाहतूक करणाऱ्या आरोपीस गडचिरोली पोलीसांनी केली अटक
- स्थानिक गुन्हे शाखा व पोस्टे आरमोरी यांच्या संयुक्त कारवाईत एकूण 45 लाख 20 हजार रुपये किंमतीचा मुद्देमाल जप्त
- गणेशोत्सवाच्या पाश्र्वभूमीवर गडचिरोली पोलीस दलाकडून अवैध व्यवसायांविरोधात प्रभावी कारवाई
विदर्भ न्यूज एक्सप्रेस
प्रतिनिधी / गडचिरोली : महाराष्ट्र शासनाने सुगंधित तंबाखूच्या विक्री व वाहतुकीवर कायदेशिर प्रतिबंध केला आहे. त्याअनुषंगाने गडचिरोली जिल्ह्रात अवैध व्यवसाय करणायांवर अंकुश बसावा या उद्देशाने पोलीस अधीक्षक, गडचिरोली एम. रमेश यांचेकडून गडचिरोली जिल्ह्रातील प्रतिबंधित सुगंधित तंबाखू, अवैध दारु, जुगार व ईतर अवैध व्यवसायांवर प्रभावीपणे कायदेशीर कारवाई करण्याचे आदेश सर्व पोस्टे / उपपोस्टे / पोमकें यांना देण्यात आले आहेत. यावरुन काल १६ सष्टेंबर २०२६ रोजी गडचिरोली पोलीसांकडून सुगंधित तंबाखूची अवैधपणे वाहतूक करणाया आरोपींवर कायदेशिर कारवाई करण्यात आलेली आहे.
सविस्तर वृत्त असे आहे की, काल १६ सष्टेंबर २०२६ रोजी पोस्टे आरमोरी हद्दीतील मौजा कुरखेडा ते आरमोरी रस्त्यावर एक संशयीत सहाचाकी प्रतिबंधीत सुगंधीत तंबाखू साठा वाहतूक करणार आहे, अशी गोपनीय माहिती स्थानिक गुन्हे शाखा, गडचिरोली यांना मिळालेली होती. मिळालेल्या गोपनीय माहितीच्या आधारे वरिष्ठांच्या मार्गदर्शनाखाली स्थानिक गुन्हे शाखेच्या पोलीस पथकाने मौजा कुरखेडा ते आरमोरी रोडवर सापळा रचून पाळत ठेवली असता, एक आयशर सहाचाकी ट्रक संशयास्पदरीत्या येताना दिसून आला.
त्यावेळी पोलीस पथकाने सदर रोडवर तात्पुरता अडथळा निर्माण करुन सदर वाहनास थांबविले. त्यानंतर सदर वाहनाची पाहणी केली असता खालीलप्रमाणे वर्णन असलेला १) १३ पांढया रंगाच्या चुंगळीमध्ये बागबान चेवीग टोबॅको चे ५२० बॉक्स, प्रती बॉक्स २७००/- रुपये प्रमाणे असे एकूण १४ लाख ४ हजार रुपये, ०२2) ६० पांढया रंगाच्या चुंगळीमध्ये डीजे प्रीमीयम क्वालीटी सुगंधीत तंबाखू चे १३२० पाऊच, प्रती पाऊच विक्री किंमत ४५०/- रुपये प्रमाणे असे एकूण ५क लाख ९४ हजार रुपये, ०३) ८० पांढया रंगाच्या चुंगळीमध्ये झेड ब्लॅक प्रीमीयम क्वालीटी सुगंधीत तंबाखू चे १६०० पाऊच, प्रती पाऊच विक्री किंमत ३५०/- रुपये प्रमाणे असे एकूण किंमत ५ लाख ६० हजार रुपये, ०४) ६० पांढया रंगाच्या चूँगळीमध्ये क्रेज सुगंधीत तंबाखू चेे १३२० पाऊच, प्रती पाऊच विक्री किंमत ३५०/- रुपये प्रमाणे असे एकूण ४ लाख ६५ हजार रुपये, ०५) आयशर कंपनीचा मालवाहू सहाचाकी ट्रक वाहन क्र. सीजी ०८ झेड ८७९२ अंदाजे किंमत १५ लाख असा एकूण ४५ लाख २० हजार रुपये किंमतीचा मुद्देमाल मिळून आला. यावरुन सदर वाहनामध्ये शासनाने प्रतिबंधित केलेला सुगंधित तंबाखूचा साठा असल्याचे निदर्शनास आले.
सदर मुद्देमालाबाबत खात्री करण्यासाठी अन्न व औषध प्रशासन विभागाशी संपर्क साधण्यात आला. तसेच ट्रकसह मिळून आलेला सर्व मुद्देमाल पंचनामा कारवाई करुन वाहन पोलीस ठाणे आरमोरी येथे आणण्यात आले. तेथे उपस्थित अन्न व औषध प्रशासन अधिकारी यांनी पंचासमक्ष वाहनचालकास त्याचे नाव व गाव विचारले असता, त्याने त्याचे नाव शाहु धर्मेशकुमार इंदेरमन, वय २८ वर्षे, रा. जोशीलमती, गेंदाटोला, जि. राजनांदगाव, छत्तीसगड असे सांगितले. सदर वाहन चालकास अधीक विचारपूस केली असता, सदर माल हा टेमन बेदराम साहू. रा. जोशीलमती, जि. राजनांदगाव (छ.ग) याचा असल्याचे सांगितले.
यावरुन सदरबाबत अन्न व औषध प्रशासन विभाग, गडचिरोलीचे अन्न सुरक्षा अधिकारी सुरेश तोरेम यांच्या फिर्यादीवरुन पोलीस स्टेशन आरमोर येथे आरोपी १) शाहु धर्मेशकुमार इंदेरमन, वय २८ वर्षे, २) पाहिजे आरोपी नामे- टेमन बेदराम साहू. रा. जोशीलमती, जि. राजनांदगाव (छ.ग) यांचेविरुध्द अपराध क्रमांक ४१३/२०२६ कलम – १२३, २२३, २७४, २७५, ३(५) भारतीय न्याय संहिता-२०२६ सहकलम - ५९(i), २६(२)(i) (iv), २७(३)(e), ३(१)(zz)(iv) अन्न सुरक्षा आणि मानके अधिनियम-२००६ अन्वये गुन्हा नोंद करण्यात येऊन एका आरोपीस अटक करण्यात आली असून न्यायालया समोर हजर करण्याची तजविज ठेवली आहे. तसेच पाहिजे आरोपीचा शोध घेणे चालू आहे. सदर गुन्ह्राचा पुढील तपास सपोनि प्रताप लामतुरे, पोस्टे आरमोरी हे करीत आहेत.
सदर कारवाई पोलीस अधीक्षक गडचिरोली एम. रमेश, अपर पोलीस (अभियान), कार्तिक मधिरा, अपर पोलीस अधीक्षक (प्रशासन) गोकुल राज. जी., सहा. पोलीस अधीक्षक, गडचिरोली अनिकेत हिरडे यांच्या मार्गदर्शनाखाली स्थानिक गुन्हे शाखा, गडचिरोली पोलीस निरीक्षक अरुण फगडे, तसेच पोलीस स्टेशन आरमोरी चे प्रभारी अधिकारी सचिन झनक यांच्या नेतृत्वात पोउपनि/ विश्वभंर कराळे व पोलीस अंमलदार यांनी पार पाडली.
