चंद्रपूर बातम्या
बातम्या -
Chandrapur
- ४७०८ लाभार्थ्यांच्या माध्यमातून ३.५७ लाख मेट्रिक टन चारा उत्पादनाचे उद्दिष्टविदर्भ न्यूज एक्सप्रेस प्रतिनिधी चंद्रपूर : जिल्ह्यात यंदा निर्माण झालेल्या दुष्काळी परिस्थितीच्या पार्श्वभूमीवर आगामी काळात पशुधनासाठी चाऱ्याची टंचाई निर्माण होऊ नये, यासाठी जिल्हा प्रशासनाने व्यापक उपाययोजना हाती घेतल्या आहेत. त्याअंतर्गत जिल्ह्यातील ५०२ तलावांच्या परिसरात उपलब्ध व योग्य जमिनीवर चारा लागवडीचे नियोजन करण्यात आले आहे.तसेच विविध योजनांच्या माध्यमातून ४७०८ लाभार्थ्यांना वैरण बियाण्यांचा लाभ देऊन सुमारे ३ लाख ५७ हजार मेट्रिक टन चारा उत्पादनाचे नियोजन करण्यात आले आहे. चारा उत्पादनासोबतच उपलब्ध चाऱ्याचे संवर्धन, साठवणूक आणि योग्य व्यवस्थापनाला प्राधान्य देण्यात येणार आहे.जिल्ह्यात चारा लागवडीसाठी एकूण ५०२ तलावांची ठिकाणे निश्चित करण्यात आली आहेत. या तलावांच्या परिसरातील उपलब्ध व योग्य जमिन...
बातम्या -
Chandrapur
विदर्भ न्यूज एक्सप्रेस प्रतिनिधी / चंद्रपूर : मोबाईल फोन अचानक रीसेट झाल्यानंतर एका युवकाच्या बँक खात्यातून गुगल-पेद्वारे ६८ हजार ९०० रुपये परस्पर काढून घेतल्याची घटना वरोरा येथे उघडकीस आली आहे. अवघ्या २५ मिनिटांत खात्यातील संपूर्ण रक्कम दुसऱ्या खात्यात वळती करण्यात आली. याप्रकरणी वरोरा पोलिसांनी अज्ञात आरोपीविरुद्ध गुन्हा दाखल केला आहे.सुनील सुरपसिंग भयडिया २१ वर्षे रा. चिलकापोस्ट, जि. अलीराजपूर, मध्यप्रदेश हा युवक वरोरा येथील महालक्ष्मी कंपनीत डोझर ऑपरेटर म्हणून कार्यरत आहे. त्याचे पंजाब नॅशनल बँकेच्या वरोरा शाखेत बचत खाते असून, हे खाते त्याच्या जिओ मोबाईल क्रमांकाशी जोडलेले आहे.८ नोव्हेंबर रोजी दुपारी १२.०५ वाजता सुनीलने गुगल-पेद्वारे आपल्या चुलत भावाला दोन हजार रुपये पाठविले. त्यानंतर मोबाईल चार्जिंगला लावून तो आंघोळीसाठी गेला. सुमारे १५ मिनिटांनी परत आल्यानंतर मोबाईल अचानक...
बातम्या -
Chandrapur
विदर्भ न्यूज एक्सप्रेसप्रतिनिधी / चंद्रपूर : महाराष्ट्र राज्यातील माजी आमदारांसोबत कार्यकाळात निष्ठेने काम करणाऱ्या स्वीय सहाय्यकांना शासनामार्फत किमान आधारभूत मासिक मानधन लागू करून आर्थिक सुरक्षा प्रदान करावी, अशी मागणी सौरभ गादासवार यांनी राज्याचे आदिवासी विकास मंत्री तथा चंद्रपूर जिल्ह्याचे पालकमंत्री अशोक उईके यांच्याकडे निवेदनाद्वारे केली आहे.माजी आमदारांच्या कार्यकाळात स्वीय सहाय्यकांची भूमिका अत्यंत महत्त्वाची असते. जनतेच्या विविध समस्या सोडविणे, शासकीय कार्यालयांशी समन्वय साधणे, नागरिकांची कामे मार्गी लावणे तसेच लोकप्रतिनिधींच्या दैनंदिन प्रशासकीय कामकाजात ते मोलाचे योगदान देत असतात. अनेक स्वीय सहाय्यक वर्षानुवर्षे लोकप्रतिनिधींसोबत निष्ठेने काम करतात. मात्र, आमदारांचा कार्यकाळ संपल्यानंतर या स्वीय सहाय्यकांसमोर रोजगार आणि आर्थिक स्थैर्याचा गंभीर प्रश्न निर्माण होतो. त्यांच्या...
बातम्या -
Chandrapur
- अटकेनंतर पोलिसांची दुसरी कारवाई; दोन वर्षे जिल्ह्याबाहेर काढण्याची तयारी, जनहिताच्या आंदोलनांचा आवाज दाबण्याचा प्रयत्न असल्याचा आरोपविदर्भ न्यूज एक्सप्रेस तालुका प्रतिनिधी / वरोरा : शिवसेना नेते तथा चंद्रपूर लोकसभा संघटक मुकेश जिवतोडे यांच्या अडचणी वाढण्याची चिन्हे दिसत आहेत. दिवाळीच्या दिवशी झालेल्या अटकेनंतर आता पोलिस प्रशासनाने त्यांना दोन वर्षांसाठी चंद्रपूर जिल्ह्यातून हद्दपार करण्याच्या प्रस्तावासंदर्भात कारणे दाखवा नोटीस बजावली आहे. विशेष म्हणजे, वरोरा येथील शिवसेना कार्यालयात लक्ष्मीपूजनाचा धार्मिक कार्यक्रम सुरू असतानाच पोलिसांनी ही नोटीस बजावली. त्यामुळे राजकीय वर्तुळात चर्चेला उधाण आले असून, जनहितासाठी आंदोलन करणाऱ्या नेत्यावर सलग कारवाया का केल्या जात आहेत, असा प्रश्न उपस्थित होत आहे.महाराष्ट्र पोलीस अधिनियम १९५१ च्या कलम ५६ (अ) व (ब) अंतर्गत जिवतोडे यांना चंद्रपूर ...
बातम्या -
Chandrapur
विदर्भ न्यूज एक्सप्रेस प्रतिनिधी / चंद्रपूर : रुग्णाची प्रकृती गंभीर असल्याची माहिती मिळताच तातडीने उपचारासाठी धाव घेतलेल्या महिला वैद्यकीय अधिकाऱ्यालाच मद्यधुंद जमावाने आरोग्य केंद्रात प्रवेश करण्यापासून रोखल्याची धक्कादायक घटना ब्रह्मपुरी तालुक्यातील चौगाण येथील प्राथमिक आरोग्य केंद्रात घडली. आमचा रुग्ण दगावला तरी चालेल, तुम्हाला आत जाऊ देणार नाही, अशा धमकीवजा शब्दांत डॉक्टरांना अडविण्यात आले. या प्रकारामुळे महिला वैद्यकीय अधिकारी आणि आरोग्य कर्मचाऱ्यांमध्ये भीतीचे वातावरण निर्माण झाले. याप्रकरणी ब्रह्मपुरी पोलिसांनी गुन्हा नोंदविला आहे.प्राथमिक आरोग्य केंद्र चौगाण येथे वैद्यकीय अधिकारी म्हणून कार्यरत असलेल्या अनघा रमेश उंदीरवाडे (वय ३०) यांची १० नोव्हेंबर रोजी सकाळी ८ ते ११ नोव्हेंबर रोजी सकाळी ८ वाजेपर्यंत ड्युटी होती. दरम्यान, १० नोव्हेंबर रोजी रात्री ८.०५ वाजताच्या सुमारास ...
बातम्या -
Chandrapur
विदर्भ न्यूज एक्सप्रेस तालुका प्रतिनिधी / बल्लारपूर : सणासुदीच्या काळात रेल्वे प्रवाशांची वाढती गर्दी आणि तत्काळ तिकिटांसाठी होणारी गैरसोय लक्षात घेता बल्लारशाह रेल्वे स्थानकात १२ नोव्हेंबरपासून तत्काळ तिकिटासाठी आणखी एक काउंटर सुरू करण्यात येणार आहे. झेडआरयूसीसीचे (ZRUCC) सदस्य अजय दुबे यांच्या प्रयत्नांना यश आले असून, त्यांच्या मागणीची दखल घेत मध्य रेल्वेच्या नागपूर विभागाने हा निर्णय घेतला आहे.अजय दुबे यांनी ११ नोव्हेंबर रोजी मध्य रेल्वेचे वरिष्ठ विभागीय वाणिज्य व्यवस्थापक अमन मित्तल यांची प्रत्यक्ष भेट घेऊन सणासुदीच्या काळात रेल्वे स्थानकावर प्रवाशांची वाढती गर्दी आणि तत्काळ तिकीट मिळविताना होणाऱ्या अडचणी त्यांच्यासमोर मांडल्या. प्रवाशांची गैरसोय दूर करण्यासाठी आणखी एक तत्काळ काउंटर सुरू करण्याची मागणी केली. या मागणीचे गांभीर्य लक्षात घेऊन अमन मित्तल यांनी संबंधित अधिकाऱ्यांन...
बातम्या -
Chandrapur
विदर्भ न्यूज एक्सप्रेस प्रतिनिधी / चंद्रपूर : घुग्घुसच्या ३२ आशा स्वयंसेविकांच्या थकीत कोविड प्रोत्साहन भत्त्याच्या मागणीसाठी सुरू असलेल्या बेमुदत धरणे आंदोलनाचा बुधवारी आठवा दिवस होता. मात्र, १२ महिन्यांचा थकीत भत्ता अद्याप मिळालेला नसल्याने आशा स्वयंसेविकांमध्ये संताप वाढत आहे. दरम्यान, आंदोलनात सहभागी असलेल्या सुमित्रा गाडगे यांची अचानक प्रकृती खालावल्याने त्यांना घुग्घुस ग्रामीण रुग्णालयात दाखल करण्यात आले. प्रकृतीची स्थिती लक्षात घेता डॉक्टरांनी पुढील उपचारासाठी त्यांना चंद्रपूर येथे हलविण्याचा सल्ला दिला आहे. या घटनेमुळे आंदोलनकर्त्या महिलांच्या आरोग्याचा प्रश्न गंभीर बनला आहे.आपल्या हक्काच्या पैशांसाठी आशा स्वयंसेविका गेल्या आठ दिवसांपासून कडाक्याच्या थंडीत रात्रंदिवस आंदोलन करीत आहेत. कोविड महामारीच्या काळात स्वतःच्या जीवाची पर्वा न करता नागरिकांची सेवा करणाऱ्या या महिलांना आज...
बातम्या -
Chandrapur
विदर्भ न्यूज एक्सप्रेस प्रतिनिधी / चंद्रपूर : महावितरण कार्यालयाच्या इमारतीलगत ठेवलेले ११ केव्ही क्षमतेचे तब्बल आठ केबल ड्रम चोरीला गेल्याच्या प्रकरणाचा गडचांदूर पोलिसांनी ९ नोव्हेंबर रोजी अवघ्या २४ तासांत छडा लावला. या चोरीत सुमारे २० लाख रुपये किमतीच्या ४०३० मीटर केबलचा समावेश होता. पोलिसांनी या प्रकरणात तीन आरोपींना ताब्यात घेऊन त्यांच्याकडून चोरीच्या मालाच्या विक्रीतून मिळालेल्या रकमेसह एकूण ४ लाख १८ हजार ५०० रुपयांचा मुद्देमाल जप्त केला. डी.बी. पथकाच्या या धडक कारवाईमुळे केबल चोरीच्या मोठ्या प्रकरणाचा उलगडा झाला आहे.या प्रकरणात आरोपी सुनील रामचंद्र शेंडे (वय ३६), रा. स्वस्तिक नगर, तिवारी लेआउट, वरूड, जि. वर्धा, अभिजित शरद कोटे (वय २८), रा. आर्वी नाका, साने गुरुजी नगर, वर्धा, सध्या रा. महाविष्णू नगर, नरसाडा रोड, नागपूर आणि प्रितम कचरू घोडके (वय ५४), रा. चिचाळा, ता. पवनी, जि. ...
बातम्या -
Chandrapur
विदर्भ न्यूज एकंप्रेस तालुका प्रतिनिधी / बल्लारपूर : दिवाळीच्या सणानिमित्त अनेक नागरिक कुटुंबासह बाहेरगावी जातात. याच संधीचा फायदा घेत चोरटे बंद घरांना लक्ष्य करण्याची शक्यता असते. त्यामुळे सणासुदीच्या काळात घरफोडीच्या घटना रोखण्यासाठी नागरिकांनी विशेष खबरदारी घ्यावी, असे आवाहन बल्लारपूर पोलीस ठाण्याचे ठाणेदार बिपिन इंगळे यांनी केले आहे.घराच्या सुरक्षिततेसाठी मुख्य प्रवेशद्वारासह मागील दरवाजांनाही मजबूत दर्जेदार कुलूप लावावे. शक्य असल्यास मोशन डिटेक्टर अलार्म यंत्रणेचा वापर करावा. रात्रीच्या वेळी घराचा परिसर, मुख्य प्रवेशद्वार आणि पायऱ्यांच्या ठिकाणी पुरेशी रोषणाई ठेवावी. घराबाहेर वर्तमानपत्रे, दूध किंवा कुरिअर साचून राहणार नाही, याची काळजी घ्यावी. घर बंद असताना बाहेर साचलेली पत्रे आणि वर्तमानपत्रे चोरट्यांना घरात कोणी नसल्याचा संकेत देऊ शकतात.दीर्घकाळासाठी किंवा सलग काही द...
बातम्या -
Chandrapur
विदर्भ न्यूज एक्सप्रेस प्रतिनिधी / चंद्रपूर : हरविलेला मोबाईल पुन्हा मिळण्याची आशा सोडलेल्या नागरिकांना ब्रह्मपुरी पोलिसांनी दिवाळीपूर्वी अनोखी भेट दिली आहे. तांत्रिक तपासाच्या माध्यमातून शोध घेऊन तब्बल ४२ हरविलेले मोबाईल शोधण्यात ब्रह्मपुरी पोलिसांना यश आले. दिवाळीच्या पूर्वसंध्येला पोलीस निरीक्षक कांचन पांडे यांच्या हस्ते हे मोबाईल त्यांच्या मूळ मालकांना परत करण्यात आले. ब्रह्मपुरी पोलीस ठाण्यात मोबाईल हरविल्याबाबत प्राप्त झालेल्या तक्रारींच्या अनुषंगाने पोलिसांनी केंद्र सरकारच्या सीईआयआर (CEIR) पोर्टलच्या माध्यमातून शोधमोहीम राबविली. या पोर्टलच्या मदतीने ब्रह्मपुरी पोलीस ठाण्याच्या हद्दीसह आजूबाजूच्या परिसरात हरविलेल्या मोबाईलचा शोध घेण्यात आला. या मोहिमेत एकूण ४२ मोबाईल मिळविण्यात पोलिसांना यश आले.हरविलेले मोबाईल पुन्हा हातात मिळाल्याने नागरिकांच्या चेहऱ्यावर आनंद फुलला. अनेक दिवस...