Petrol Price
गडचांदूरमध्ये २० लाखांच्या केबल चोरीचा छडा : तीन आरोपी जेरबंद, २४ तासांत ४.१८ लाखांचा मुद्देमाल जप्त
विदर्भ न्यूज एक्सप्रेस
प्रतिनिधी / चंद्रपूर : महावितरण कार्यालयाच्या इमारतीलगत ठेवलेले ११ केव्ही क्षमतेचे तब्बल आठ केबल ड्रम चोरीला गेल्याच्या प्रकरणाचा गडचांदूर पोलिसांनी ९ नोव्हेंबर रोजी अवघ्या २४ तासांत छडा लावला. या चोरीत सुमारे २० लाख रुपये किमतीच्या ४०३० मीटर केबलचा समावेश होता. पोलिसांनी या प्रकरणात तीन आरोपींना ताब्यात घेऊन त्यांच्याकडून चोरीच्या मालाच्या विक्रीतून मिळालेल्या रकमेसह एकूण ४ लाख १८ हजार ५०० रुपयांचा मुद्देमाल जप्त केला. डी.बी. पथकाच्या या धडक कारवाईमुळे केबल चोरीच्या मोठ्या प्रकरणाचा उलगडा झाला आहे.
या प्रकरणात आरोपी सुनील रामचंद्र शेंडे (वय ३६), रा. स्वस्तिक नगर, तिवारी लेआउट, वरूड, जि. वर्धा, अभिजित शरद कोटे (वय २८), रा. आर्वी नाका, साने गुरुजी नगर, वर्धा, सध्या रा. महाविष्णू नगर, नरसाडा रोड, नागपूर आणि प्रितम कचरू घोडके (वय ५४), रा. चिचाळा, ता. पवनी, जि. भंडारा, सध्या रा. गवराळा, ता. भद्रावती, जि. चंद्रपूर या तिघांना पोलिसांनी ताब्यात घेतले आहे.
महावितरण कंपनीच्या गडचांदूर येथील कार्यालयाच्या इमारतीलगत पालीकॅप इंडिया लिमिटेड कंपनीचे ११ केव्ही क्षमतेचे १८५ स्क्वेअर एमएमचे प्रत्येकी ५०० मीटर लांबीचे आठ केबल ड्रम ठेवण्यात आले होते. २१ सप्टेंबर ते ४ नोव्हेंबर २०२६ या कालावधीत अज्ञात चोरट्यांनी हे केबल ड्रम चोरून नेले. या केबलची खरेदी किंमत ५१ लाख ७३ हजार ८७५ रुपये २० पैसे, तर सध्याची अंदाजित किंमत २० लाख रुपये होती. याप्रकरणी निलेश उत्तमराव उरकुडे यांनी ८ नोव्हेंबर रोजी गडचांदूर पोलीस ठाण्यात तक्रार दाखल केली होती.
गुन्हा दाखल होताच पोलिसांनी तपासाची चक्रे वेगाने फिरवली. गोपनीय माहिती आणि तांत्रिक तपासाच्या आधारे संशयितांचा शोध घेण्यात आला. तिन्ही आरोपींना ताब्यात घेऊन विश्वासात विचारपूस केली असता त्यांनी महावितरण कार्यालय परिसरातून केबल ड्रम चोरी केल्याची कबुली दिली. चोरी केलेल्या मालाची विक्री केल्यानंतर मिळालेली रक्कम आरोपींकडून जप्त करण्यात आली. पंचांसमक्ष ४ लाख १८ हजार ५०० रुपयांचा मुद्देमाल ताब्यात घेण्यात आला असून, या प्रकरणाचा पुढील तपास सुरू आहे.
सदर कारवाई पोलीस अधीक्षक, अपर पोलीस अधीक्षक चंद्रपूर आणि उपविभागीय पोलीस अधिकारी गडचांदूर यांच्या मार्गदर्शनाखाली ठाणेदार प्रमोद बानबले, पोलीस उपनिरीक्षक पंकज हेकाड, पोलीस अंमलदार बलवंत शर्मा, साईनाथ उपरे, सूरज ढोले, प्रकाश आणि दत्ता यांनी केले.
, रा. स्वस्तिक नगर, तिवारी लेआउट, वरूड, जि. वर्धा, अभिजित शरद कोटे (वय २८), रा. आर्वी नाका, साने गुरुजी नगर, वर्धा, सध्या रा. महाविष्णू नगर, नरसाडा रोड, नागपूर आणि प्रितम कचरू घोडके (वय ५४), रा. चिचाळा, ता. पवनी, जि. भंडारा, सध्या रा. गवराळा, ता. भद्रावती, जि. चंद्रपूर या तिघांना पोलिसांनी ताब्यात घेतले आहे.महावितरण कंपनीच्या गडचांदूर येथील कार्यालयाच्या इमारतीलगत पालीकॅप इंडिया लिमिटेड कंपनीचे ११ केव्ही क्षमतेचे १८५ स्क्वेअर एमएमचे प्रत्येकी ५०० मीटर लांबीचे आठ केबल ड्रम ठेवण्यात आले होते. २१ सप्टेंबर ते ४ नोव्हेंबर २०२६ या कालावधीत अज्ञात चोरट्यांनी हे केबल ड्रम चोरून नेले. या केबलची खरेदी किंमत ५१ लाख ७३ हजार ८७५ रुपये २० पैसे, तर सध्याची अंदाजित किंमत २० लाख रुपये होती. याप्रकरणी निलेश उत्तमराव उरकुडे यांनी ८ नोव्हेंबर रोजी गडचांदूर पोलीस ठाण्यात तक्रार दाखल केली होती.गुन्हा दाखल होताच पोलिसांनी तपासाची चक्रे वेगाने फिरवली. गोपनीय माहिती आणि तांत्रिक तपासाच्या आधारे संशयितांचा शोध घेण्यात आला. तिन्ही आरोपींना ताब्यात घेऊन विश्वासात विचारपूस केली असता त्यांनी महावितरण कार्यालय परिसरातून केबल ड्रम चोरी केल्याची कबुली दिली. चोरी केलेल्या मालाची विक्री केल्यानंतर मिळालेली रक्कम आरोपींकडून जप्त करण्यात आली. पंचांसमक्ष ४ लाख १८ हजार ५०० रुपयांचा मुद्देमाल ताब्यात घेण्यात आला असून, या प्रकरणाचा पुढील तपास सुरू आहे.सदर कारवाई पोलीस अधीक्षक, अपर पोलीस अधीक्षक चंद्रपूर आणि उपविभागीय पोलीस अधिकारी गडचांदूर यांच्या मार्गदर्शनाखाली ठाणेदार प्रमोद बानबले, पोलीस उपनिरीक्षक पंकज हेकाड, पोलीस अंमलदार बलवंत शर्मा, साईनाथ उपरे, सूरज ढोले, प्रकाश आणि दत्ता यांनी केले.)
