मार्कंडादेव मंदिरात गर्दी करू नये : पोलीस विभागाकडून ऋषी पंचमीनिमित्त बंदोबस्त


विदर्भ न्यूज एक्सप्रेस 
प्रतिनिधी / गडचिरोली :
कोरोना संसर्ग रोखण्यासाठी प्रशासनाकडून जिल्ह्यात विविध उपाययोजना राबवल्या जात आहेत. यापूर्वीच गडचिरोली जिल्ह्यात जमावबंदी लागू असून कोणत्याही प्रकारचे धार्मिक उत्सव, राजकीय कार्यक्रम करता येणार नाहीत. उद्या ऋषि पंचमी निमित्त मार्कंडा देवस्थान येथील दर्शनासाठी मोठ्या प्रमाणात नागरिक येण्याची शक्यता नाकारता येत नाही. यामुळे जिल्हा प्रशासनाने तसेच स्थानिक प्रशासनाने प्रतिबधात्मक उपायोजना राबविलेल्या आहेत. यानुसार तहसीलदार चामोर्शी यांच्याकडून व पोलिस विभागाकडून चामोर्शी तालुक्यातील मार्कंडा देव मंदिरा जवळ पोलिस बंदोबस्त उभारण्यात आला आहे. या ठिकाणी नागरिकांना दर्शनासाठी किंवा मंदिर प्रवेशासाठी बंदी घालण्यात आलेली असून नागरिकांनी त्या ठिकाणी जाणे टाळावे असे प्रशासनाकडून आव्हान करण्यात आले आहे.




  Print






News - Gadchiroli | Posted : 2021-09-10






Related Photos