Petrol Price
तृतीयपंथी व्यक्तींना विविध योजनेचा लाभ देण्यासाठी मार्गदर्शन शिबिर
विदर्भ न्यूज एक्सप्रेस
प्रतिनिधी / वर्धा : तृतीयपंथीयांच्या हक्काचे संरक्षण व कल्याण योजनेंतर्गत विविध योजनेचा लाभ देण्यासाठी विधी सेवा प्राधिकरणचे सचिव संजीव सरदार यांच्या अध्यक्षतेखाली मार्गदर्शन शिबिराचे आयोजन करण्यात आले होते. कार्यक्रमाला आधार कम्युनिटी बेस संस्थेचे सदस्य वैशाली उडाखे, समाज कल्याणचे सहाय्यक लेखाधिकारी विजय कामडी आदी उपस्थित होते.
सहाय्यक आयुक्त समाज कल्याण कार्यालयाच्यावतीने सामाजिक न्यायभवन येथे सेवा संकल्प अधियानानिमित्त आयोजित या कार्यक्रमात संजीव सरदार यांनी तृतीयपंथीय व्यक्तींच्या हक्काच्या संदर्भात कायदेविषक सल्ला व मार्गदर्शन याबाबत उपयुक्त माहिती दिली. तसेच त्यांनी महाभारत पासुन ते पाश्चात्य ळापर्यंत तृतीयपंथींचे जीवन कशा पध्दतीने होते, याबाबत मार्गदर्शन केले राज्यघटनेच्या कलम १४ अन्वये समानता व भेटभावापासुन इतर व्यक्तींप्रमाणे तृतीयपंथी व्यक्तींना सुध्दा ते समाजाचा भाग असल्यामुळे सर्व प्रकारच्या भेदभावापासुन संरक्षण प्राप्त झाले आहे.
त्याचप्रमाणे कलम २१ नुसार प्रतिष्ठेणे जीवन जगण्याचे स्वातंत्र्य व संरक्षण महिला व पुरुषाप्रमाणे तृतीयपंथीय समुदायाला देखील प्राप्त असल्याचे यावेळी संजीव सरदार यांनी सांगितले.कार्यक्रमाचे संचालन समाज कल्याण निरिक्षक गोपाळ अनासाने यांनी केले. कार्यक्रमात तृतीयपंथीय व्यक्तींना स्वयंरोजगार व उद्योजकता मार्गदर्शन, आरोग्य तपासणी व आयुष्मान भारत योजना, राशनकार्ड, संजय गांधी निराधार योजना, कायदेविषयक सल्ला तसेच मतदान कार्ड विषयक माहिती देण्यात आली.
कार्यक्रमाला विधी सेवा प्राधिकरण, जिल्हा कौशल्य विकास अधिकारी कार्यालय, सामान्य रुग्णालय, पुरवठा कार्यालय, तहसिल कार्यालय, निवडणुक कार्यालय, इतर बहुजन कल्याण कार्यालय, जिल्हा जात प्रमाणपत्र पडताळणी कार्यालयाचे प्रतिनिधी व तृतीयपंथी व्यक्ती उपस्थित होते.
