महत्वाच्या बातम्या

चामोर्शी तालुक्यातील इको पार्कचे दुर्लक्षित स्वरूप : मानवाधिकार संघटनेची सुधारणा आणि विकासासाठी मागणी

विदर्भ न्यूज एक्सप्रेस
तालुका प्रतिनिधी /चामोर्शी : चामोर्शी तालुक्यातील दिना धरणाजवळील निसर्ग रम्य पर्यटन स्थळ म.सा कन्नमावर इको पार्क गेल्या अनेक वर्षांपासून दुर्लक्षित अवस्थेत आहे. २०१४-१५ साली वन विभाग आणि राज्य सरकारच्या वतीने येथे विविध विकासकामे करण्यात आली होती; तरीही, वन विभागाच्या दुर्लक्षितपणामुळे सदर इको पार्क आता धुळखात आणि जीर्णावस्थेत आहे.

पर्यटनासाठी उपलब्ध नसलेल्या सोयी सुविधा -
आधी येथे तयार करण्यात आलेली शोभेची वस्तू चोरीला गेलेली आहेत किंवा खूप जीर्णावस्थेत आहेत. अनेक शोभिवंत वस्तू टूट-फूट अवस्थेत असून पर्यटकांना आकर्षित करण्यास हे ठिकाण आता अपयशी ठरले आहे. पर्यटनासाठी आवश्यक मूलभूत सुविधा - वाल कंपाउंड, स्वच्छता गृह, उपहारगृह, विश्रामगृह, अंतर्गत रस्ते, नाली, बारमाही चौकीदार - उपलब्ध नसल्यामुळे पर्यटक येथे येण्यास उत्सुक नाहीत.

पर्यटकांची कमी -
सदर इको पार्कच्या सुरुवातीच्या काळात, येथे दररोज शेकडो पर्यटक येत होते. मात्र, गेल्या अनेक वर्षांपासून या पर्यटनस्थळाचे दुर्लक्षितपण आणि सुविधांचा अभाव यामुळे पर्यटकांची उपस्थिती लक्षणीयरीत्या कमी झाली आहे.

मानवाधिकार संघटनेची मागणी -
राष्ट्रीय मानवाधिकार संघटनेचे प्रदेशाध्यक्ष डॉ. प्रणय खुणे, प्रदेश उपाध्यक्ष भारत खटी, जिल्हाध्यक्ष रमेश अधिकारी, महिला आघाडी जिल्हाध्यक्ष मनीषा मडावी, स्नेहा मेश्राम, राणी गोपशेट्टीवार, भूषणा खेडेकर, जिल्हा उपाध्यक्ष नानू उपाध्ये, किशोर कुंडू, तालुका सचिव दिनेश मुजुमदार, महेश विस्वास, लीना विश्वास, विशाखा सिंह, तसेच स्थानिक पदाधिकारी सुमेन विश्वास, सुकंठ रॉय, पलाश घरामी, विनोद किरमे, राजू सातपुते, रमेश लेकलवार, संदीप भोवरे यांनी वन विभाग आणि राज्य सरकारकडे सदर इको पार्कचा तात्काळ विकास करण्याची मागणी केली आहे.

त्यांच्या मागणीनुसार, पर्यटनासाठी आवश्यक सुविधा पुन्हा उपलब्ध करून दिल्याशिवाय सौंदर्यकरण, अंतर्गत रस्ते, नाली, स्वच्छता सुविधा, वाल कंपाउंड, उपहारगृह, विश्रामगृह आणि बारमाही चौकीदार यांसारख्या उपाययोजना राज्य सरकारच्या निधी द्वारे राबवाव्यात. तसेच, या विकासकामासाठी स्थानिक लोकप्रतिनिधींनीही प्राधान्याने पुढाकार घ्यावा, असे संघटनेचे पदाधिकारी म्हणाले.