Petrol Price
३१ वर्षांनंतर दिलासाग्रामच्या माजी कार्यकर्त्यांचा स्नेहमेळावा
- जुन्या आठवणींना उजाळा; आनंद, संवाद आणि मार्गदर्शनाने रंगला कार्यक्रम
विदर्भ न्यूज एक्सप्रेस
तालुका प्रतिनिधी / बल्लारपूर : कामाच्या धावपळीतून वेळ काढत एकमेकांच्या सुख-दुःखात सहभागी होण्यासाठी आणि जुन्या आठवणींना उजाळा देण्यासाठी दिलासाग्राम सोशल सर्व्हिस असोसिएशनच्या माजी कार्यकर्त्यांचा आनंद आणि संवाद गेट-टुगेदर उत्साहात पार पडला. तब्बल ३१ वर्षांनंतर झालेल्या या स्नेहमेळाव्यात माजी कार्यकर्त्यांनी मनमोकळ्या गप्पा, गाणी आणि विविध खेळांचा आनंद घेतला.
दिलासाग्राम सोशल सर्व्हिस असोसिएशनची बल्लारपूर येथे १९९५ मध्ये स्थापना झाली. त्या काळात सिस्टर अलफोंसा यांच्या मार्गदर्शनाखाली १९९५ ते २००६ या कालावधीत अनेकांनी शिक्षणासोबतच सामाजिक कार्यात योगदान दिले. संस्थेशी जोडलेल्या अनेक कार्यकर्त्यांनी पुढे अंगणवाडी सेविका, गटविकास अधिकारी, अभियंता तसेच विविध शासकीय व सामाजिक संस्थांमध्ये अधिकारी पदांपर्यंत मजल मारली. या प्रवासातील सहकाऱ्यांना पुन्हा एकत्र आणण्यासाठी या स्नेहमेळाव्याचे आयोजन करण्यात आले होते.
कार्यक्रमाला माजी संचालिका सिस्टर अलफोंसा, सेवानिवृत्त गटविकास अधिकारी शालिकराव मावलीकर, बांधकाम विभागाचे अभियंता वैभव जोशी, चाइल्ड हेल्पलाइनचे भास्कर ठाकूर, रघुनाथ बबिलवार, कल्पना भेंडे, एकता उमरे, सुजाता भुजाडे, संगीता देवाडकर यांच्यासह अनेक माजी कार्यकर्ते उपस्थित होते. यावेळी सर्व सामाजिक कार्यकर्त्यांनी सिस्टर अलफोंसा यांचा शाल व पुष्पगुच्छ देऊन सत्कार केला.
यावेळी मार्गदर्शन करताना डॉ. ज्योती गायकवाड यांनी मनःशांती आणि निरोगी जीवनासाठी योगाचे महत्त्व विशद केले. विविध क्षेत्रांत कार्यरत असलेल्या मान्यवरांनी आपल्या शासकीय सेवेतले अनुभव आणि जीवनातील आठवणी उपस्थितांसमोर मांडल्या. सिस्टर अलफोंसा यांनी प्रत्येक क्षेत्रात विश्वास, आनंद आणि प्रेमाने काम करण्याचा संदेश दिला. माजी कार्यकर्त्यांनी जीवनातील धावपळीतून वेळ काढून अशा गेट-टुगेदरचे आयोजन झाले पाहिजे, असे मत व्यक्त केले. व्यवसाय, नोकरी किंवा शेती कोणतेही क्षेत्र असो, मनापासून काम केल्यास जीवनाचा खरा आनंद मिळतो, असे त्यांनी सांगितले. तसेच मित्र-मैत्रिणींच्या अनुभवातून प्रेरणा घेत आयुष्यात नव्या संधींचा शोध घ्यावा आणि आपल्या प्रवासातील अनुभव पुढील पिढीपर्यंत
