Petrol Price
पदवीधर मतदारसंघ निवडणुकी साठी प्रशासन सज्ज : मतदान केंद्र अधिकाऱ्यांचे प्रशिक्षण
विदर्भ न्यूज एक्सप्रेस
प्रतिनिधी / वर्धा : जिल्हाधिकारी तथा जिल्हा निवडणूक अधिकारी कार्यालयाच्या वतीने नागपूर विभाग पदवीधर मतदारसंघाच्या द्विवार्षिक निवडणुकीच्या अनुषंगाने मतदान केंद्र अधिकारी, सहाय्यक कर्मचारी व संबंधित अधिकारी, कर्मचाऱ्यांचे प्रशिक्षण जिल्हाधिकारी वान्मथी सी यांच्या उपस्थिती आयोजित करण्यात आले होते.
प्रशिक्षण कार्यक्रमास अपर जिल्हाधिकारी संजय तेली, उपजिल्हाधिकारी तथा उपजिल्हा निवडणूक अधिकारी अनिल गावित, अपर मुख्य कार्यकारी अधिकारी सुरज कोहाड यांच्यासह जिल्ह्यातील सर्व उपविभागीय अधिकारी, क्षेत्रीय अधिकारी, निवडणूक प्रक्रियेशी संबंधित अधिकारी, कर्मचारी उपस्थित होते.
प्रशिक्षणात निवडणूक विभागाचे नायब तहसिलदार अतुल रासपायले यांनी सर्व पथकांच्या शंकांचे निरसन केले व त्यांना बहुमूल्य मार्गदर्शन केले. सदर प्रशिक्षणात जिल्ह्यात निवडणूक प्रक्रिया सुरळीत, पारदर्शक व नियमानुसार पार पाडण्यासाठी आवश्यक मार्गदर्शन करण्यात आले. पदवीधर मतदारसंघांच्या निवडणूकीसाठी मतपत्रिकेद्वारे मतदान होणार असल्याने मतदान केंद्राध्यक्ष व त्यांच्या पथकांनी काळजीपुर्वक, दक्ष राहून सर्व प्रक्रीया पार पाडावी, अशा सुचना जिल्हाधिकारी वान्मथी सी यांनी दिल्यात.
