गडचिरोली पोलीस ठाण्यातील संपर्क क्रमांकच बंद स्थितीत


- जिल्ह्यातील अनेक पोलीस ठाण्याचे क्रमांकही संपर्क केला असता दाखवतात बंद 

विदर्भ न्यूज एक्सप्रेस
प्रतिनिधी / गडचिरोली :
स्थानिक पोलीस ठाण्यासह जिल्ह्यातील अनेक पोलीस ठाण्यातील संपर्क क्रमांक बंद स्थितीत असल्याची बाब उघडकीस आली आहे. यामुळे एखादी घटना घडली असता अथवा तक्रार करायची झाल्यास कुठे संपर्क करायचा असा प्रश्न उपस्थित होत आहे. 
जिल्हयातील पोलीस स्टेशन, उपपोलीस स्टेशन, उपकेंद्र याठिकाणी आपल्या तक्रारी दाखल करावयाच्या असतात तसेच कधी प्रत्यक्षरित्या तक्रारी तर कधी फोनव्दारे माहिती कळवून तक्रारी अथवा घटनेची माहिती देण्यात येत असते परंतु त्याठिकाणचा संपर्क क्रमांकच बंद स्थितीत दाखवत असल्याने नागरिकांना आपल्या आपतकालीन तक्रारी दाखल करण्यास अडचण निर्माण होत आहे. 
गडचिरोली जिल्हा पोलीस प्रशासनातर्फ https://gadchirolipolice.gov.in या संकेतस्थळावर पोलीस स्टेशन, उपपोलीस स्टेशन, उपकेंद्राचे क्रमांक देण्यात आले आहे मात्र यातील अनेक क्रमांक संपर्क केला असता बंद व चुकीची असल्याचे सांगितल्या जाते. यामुळे आपतकालीन तक्रार अथवा एखाद्या घटनेची माहिती नागरिकांना पोलीस ठाण्यात दयायची असल्यास वेळेवर संपर्क होऊ न शकल्याने अनेक अडचणी निर्माण होत आहे. तसेच प्रसारमाध्यमांच्या प्रतिनिधींना घटनेची संपुर्ण माहिती घेण्याकरिता कधीकाळी पोलीस ठाण्यात संपर्क करावे लागते मात्र संपर्कच होऊ न शकल्याने त्यांना सुध्दा अडचणी निर्माण होत आहे.
सदर बाबी कडे पोलीस प्रशासनाने विशेष लक्ष घालुन बंद स्थितीत असलेले संपर्क क्रमांक अदयावत करावे अशी मागणी होत आहे.




  Print






News - Gadchiroli | Posted : 2021-08-28






Related Photos