दोन एकरात गांजा लावण्याची परवागनी द्या : सोलापूरच्या शेतकऱ्याचे जिल्हाधिकाऱ्यांना पत्र


विदर्भ न्यूज एक्सप्रेस 
वृत्तसंस्था / सोलापूर :
येथील जिल्हाधिकाऱ्यांना एका शेतकऱ्याने दोन एकरामध्ये गांजा लावण्यासंदर्भात परवाणगी मागणारे पत्र लिहिले आहे. अनिल आबाजी पाटील असे पत्र लिहिणाऱ्या शेतकऱ्याचे नाव आहे. सोलापूरमधील मोहोळ तालुक्यातील शिरापूर येथे राहणाऱ्या पाटील यांनी लिहिलेले हे पत्र सध्या सोशल मीडियावर चर्चेचा विषय ठरत आहे. माझी शिरापूर येथे दोन एकर जमीन असून तिथे मला गांजा लागवडीची परवानगी द्यावी असे पाटील यांनी म्हटले आहे.
मी शेतकरी असून कोणतेही पिक घेतले तरी त्याला शासनाचा हमी भाव नसल्यामुळे शेती तोट्यात करावी लागत आहे. शेतमालाला कवडीमोल भाव मिळत असल्याने शेती करणे कठीण झाले आहे. मशागतीसाठी केलेला खर्च देखील मिळत नाही. तसेच एखाद्या साखर कारखान्याला ऊस गाळपासाठी दिला असता त्याचे देखील बिल लवकर मिळत नाही. त्यामुळे गांजाला चांगला भाव असल्यामुळे मला माझ्या जमीनीवर दोन एकरात गांजा लागवड करण्याची परवानगी १५ सप्टेंबरपर्यंत लेखी द्यावी नाहीतर मी १६ सप्टेंबर रोजी आपल्या प्रशासनाकडून परवानगी मिळाली असे गृहित धरुन लागवड सुरु करणार आहे. माझ्यावर गुन्हा दाखल झाला तर त्यास आपले प्रशासन जबाबदार राहील, असा उल्लेख या पत्रात केला आहे.
हे पत्र २५ ऑगस्ट रोजी जिल्हाधिकारी कार्यालयाने स्वीकारल्याचा स्टॅम्प त्यावर आहे. पोलीस अधिकक्षकांनाही यासंदर्भातील एक प्रत पाठवण्यात आल्याचा उल्लेख या पत्रावर आहे. जिल्हा प्रशासन यावर काय भूमिका घेतात याकडे सर्वांचे लक्ष लागले आहे. 




  Print






News - Rajy | Posted : 2021-08-27



Related Photos