अल्पवयीन मुलीवर बलात्कार करणाऱ्या दोन नराधमांची फाशीची शिक्षा रद्द : नागपूर खंडपीठाचा निर्णय


विदर्भ न्यूज एक्स्प्रेस 
प्रतिनिधी / नागपूर :
घरात झोपलेल्या 9 वर्षीय अल्पवयीन मुलीचे अपहरण करून तिच्यावर बलात्कार करणाऱ्या दोन नराधमांची फाशीची शिक्षा रद्द करण्यात आली आहे. मुंबई उच्च न्यायालयाच्या नागपूर खंडपीठाने हा मोठा निर्णय दिला आहे. बुलडाणा सत्र न्यायालायाने नराधम आरोपींना दिलेल्या फाशीच्या शिक्षेत कमी करत नागपूर खंडपीठाने दोषींना मरेपर्यंत जन्मठेपेची शिक्षा सुनावली आहे. सागर विश्वनाथ बोरकर आणि निखिल शिवाजी गोलाईन अशी अल्पवयीन मुलीवर बलात्कार करणाऱ्या नराधमांची नावे आहेत. संबंधित दोघांनी 26 एप्रिल 2019 रोजी रात्री 10 च्या सुमारास एका 9 वर्षीय मुलीचे अपहरण केले होते. यावेळी पीडित मुलगी आपल्या घरात कुटुंबासोबत झोपली होती. पण नराधमांनी अत्यंत चलाखीने पीडित मुलीचे तिच्या घरातून अपहरण केले होते. यानंतर नराधमांनी अमानुषतेचा कळस गाठत आळीपाळीने पीडितेवर बलात्कार केला होता. या घटनेचा माहिती समोर येताच बुलडाणा जिल्ह्यातील चिखली पोलीस ठाण्यात याप्रकरणी गुन्हा दाखल करण्यात आला होता. याप्रकरणी पोलिसांनी तपास केला असता, संबंधित आरोपींनी बलात्काराच्या प्रकरणात दोषी आढळले होते. बुलडाणा सत्र न्यायालयात या घटनेची सुनावणी झाली असता, न्यायालयाने दोन्ही दोषींना फाशीची शिक्षा सुनावली होती. यानंतर आरोपींनी मुंबई उच्च न्यायालयात धाव घेतली होती. याप्रकरणी दोन्ही बाजूंचा युक्तीवाद ऐकल्यानंतर मुंबई उच्च न्यायालयाच्या नागपूर खंडपीठाने संबंधित दोषींची फाशीची शिक्षा रद्द केली आहे. नागपूर खंडपीठाने आरोपींनी मरेपर्यंत जन्मठेपेची शिक्षा सुनावली आहे.



  Print






News - Nagpur | Posted : 2021-09-08




Related Photos