पाकिस्तानमध्ये जन्माष्टमीच्या दिवशी श्रीकृष्ण मंदिरात तोडफोड : भक्तांनाही मारहाण


विदर्भ न्यूज एक्सप्रेस 
वृत्तसंस्था / सिंध :
पाकिस्तानमध्ये कुरापती सुरुच आहेत. पाकिस्तानात अज्ञांतांनी जन्माष्टमीच्या दिवशी श्रीकृष्ण मंदिराची तोडफोड केली आहे. काल सोमवारी अज्ञांतांनी मूर्तीची तोडफोड केल्याची घटना समोर आली. जन्माष्टमीचा उत्सव साजरा करण्यासाठी आयोजित करण्यात आलेल्या मंदिरातील धार्मिक समारंभादरम्यान ही घटना घडली. या घटनेनंतर परिसरात तणावाचे वातावरण आहे. तसेच परिसरात पोलीस तैनात करण्यात आले असून याप्रकरणी अद्याप एकालाही अटक करण्यात आलेली नाही.
सिंध प्रांतातील संघर जिल्ह्यातील खिप्रोमध्ये हा प्रकार घडला. पाकिस्तानी ॲक्टिविस्ट वकील राहत ऑस्टिन यांनी याबाबत माहिती दिली. पाकिस्तानातील सिंध प्रांतातील श्रीकृष्ण मंदिराची तोडफोड केल्याची माहिती त्यांनी ट्विटद्वारे दिली. श्रीकृष्ण मंदिरात भक्तांकडून श्रीकृष्ण जन्माष्टमीची पूजा सुरू असताना हा प्रकार घडला.
या घटनेनंतर सोशल मीडियावर अनेक फोटो शेअर करण्यात येत आहेत. या महिन्याच्या सुरुवातीलाही लाहौरपासून जवळपास ५९०  किलोमीटरवर असणाऱ्या जिल्ह्यातील भोंग शहरात शेकडो लोकांनी हिंदू मंदिरात तोडफोड केली होती.



  Print






News - World | Posted : 2021-08-31




Related Photos