काबूलमधील झपाट्याने बदलणाऱ्या परिस्थिती पाहता भारत सरकार सतर्क : घेतला मोठा निर्णय


विदर्भ न्यूज एक्सप्रेस 
वृत्तसंस्था / मुंबई :
अफगाणिस्तानवर पुर्णपणे कब्जा केल्यानंतर तालिबान बंडखोरांनी रविवारी मध्यरात्री सरकार स्थापन करण्याची घोषणा केली आहे. तालिबान बंडखोरांच्या या घोषणेनंतर जगातील सर्वच देश सतर्क झाले आहेत. तालिबान लढाऊंनी राष्ट्रपती भवन ताब्यात घेतले आहे. अफगाणिस्तानची राजधानी काबूल ताब्यात घेतल्यानंतर तालिबान काबूलमधील महत्त्वाच्या ठिकाणांवर कब्जा करत आहे. याच दरम्यान या परिस्थितीनंतर भारत सरकारनेही मोठा निर्णय घेतला आहे.
काबूलमध्ये परिस्थिती गंभीर झाल्यानंतर भारत सरकारने अलर्ट जारी केला आहे. काबूलमध्ये तालिबानच्या प्रवेशानंतर परिस्थिती खूपच खराब झाली असल्याने विमानांच्या वेळांमध्ये बदल करण्यात आला आहे. एअर इंडियाच्या दिल्लीहून काबूलला जाण्याच्या वेळेत बदल केला आहे. एअर इंडियाचे विमान आता रात्री ८.३० ऐवजी १२.३० वाजता उड्डाण करणार आहे.
काबूलमधील झपाट्याने बदलणाऱ्या परिस्थितीमध्ये भारत सरकार सतर्क आहे आणि परिस्थितीवर लक्ष ठेवून आहे. काबूलमधून लोकांना बाहेर काढण्यासाठी भारत सरकारने २ एअर इंडिया विमानांना अलर्टवर ठेवले आहे.




  Print






News - Rajy | Posted : 2021-08-16






Related Photos