Petrol Price
ब्रम्हपुरीत दोन महिलांनी डिक्कीतून ३ लाख ३० हजारांची रोकड पळविली : चोरी सीसीटीव्हीत कैद
विदर्भ न्यूज एक्सप्रेस
प्रतिनिधी / चंद्रपूर : बँकेतून वाचनालयाचे पैसे काढून मोटारसायकलच्या डिक्कीत ठेवलेली ३ लाख ३० हजार रुपयांची रोकड दोन अनोळखी महिलांनी लंपास केल्याची घटना ३१ ऑक्टोबर रोजी सकाळी ब्रम्हपुरी शहरातील वडसा रोडवर घडली. दलाल आटाचक्कीसमोर घडलेल्या या चोरीच्या घटनेमुळे परिसरात खळबळ उडाली आहे. विशेष म्हणजे, चोरीची संपूर्ण घटना जवळील ऑटो गॅरेजच्या सीसीटीव्ही कॅमेऱ्यात कैद झाली आहे.
चंद्रभान नत्युजी पानसे ५७ वर्ष , रा. टिळकनगर, ब्रम्हपुरी) हे लोकमान्य टिळक वाचनालय, बाजार चौक, सराफा लाईन येथे ग्रंथपाल म्हणून कार्यरत आहेत. ३१ ऑक्टोबर रोजी सकाळी सुमारे १०.३० वाजता ते वाचनालयाचे दुसरे ग्रंथपाल राजेश रविंद्र देऊळकर ५५ वर्ष यांच्यासोबत होंडा पॅशन प्रो मोटार सायकलने स्टेट बँक ऑफ इंडिया, ब्रम्हपुरी शाखेत गेले होते. सकाळी १०.५० वाजताच्या सुमारास त्यांनी बँकेतून वाचनालयाचे ३ लाख ७० हजार रुपये काढले. त्यापैकी ४० हजार रुपये पानसे यांनी स्वतःच्या पॅन्टच्या खिशात ठेवले, तर उर्वरित ३ लाख ३० हजार रुपये कापडी पिशवीत ठेवून ती राजेश देऊळकर यांच्याकडे दिली. वाचनालयासमोर आल्यानंतर राजेश यांनी पैशांची पिशवी मोटारसायकलच्या उघड्या डिक्कीत ठेवली.
यानंतर पानसे हे पैसे घेऊन घरी जाण्यास निघाले. दरम्यान, वडसा रोडवरील दलाल आटाचक्कीसमोर सकाळी ११.०५ वाजताच्या सुमारास त्यांनी मोटारसायकल रस्त्याच्या बाजूला उभी केली आणि दळण आणण्यासाठी चक्कीत गेले. अवघ्या पाच मिनिटांनी दळणाची पिशवी घेऊन ते बाहेर आले असता मोटारसायकलच्या डिक्कीत ठेवलेली पैशांची पिशवी गायब असल्याचे त्यांच्या लक्षात आले. चोरीचा प्रकार लक्षात येताच त्यांनी शेजारील ऑटो गॅरेजमधील सीसीटीव्ही फुटेज तपासले. त्यामध्ये सलवार परिधान केलेली आणि पांढऱ्या रंगाची ओढणी घेतलेली अंदाजे २५ वर्षांची एक अनोळखी तरुणी मोटारसायकलच्या डिक्कीतून पैशांची पिशवी काढताना दिसून आली. पिशवी हातात घेतल्यानंतर ती तरुणी धावत रस्त्यावर उभ्या असलेल्या पांढऱ्या रंगाच्या स्विफ्ट डिझायर कारमध्ये बसली. तिच्या पाठोपाठ साडी परिधान केलेली अंदाजे ३० वर्षांची दुसरी महिला कारमध्ये बसली. त्यानंतर कार वेगाने वडसा मार्गाने निघून गेली.
या प्रकरणी चंद्रभान पानसे यांनी ब्रम्हपुरी पोलीस ठाण्यात तक्रार दाखल केली आहे. भरदिवसा अवघ्या पाच मिनिटांत घडलेल्या या चोरीमुळे नागरिकांमध्ये भीतीचे वातावरण निर्माण झाले असून, बँकेतून मोठी रक्कम काढून नेताना सुरक्षिततेचा प्रश्न पुन्हा ऐरणीवर आला आहे. सीसीटीव्ही फुटेजच्या आधारे पोलिसांकडून दोन्ही महिलांचा आणि चोरीसाठी वापरण्यात आलेल्या पांढऱ्या स्विफ्ट डिझायर कारचा शोध घेतला जात आहे. ब्रम्हपुरीचे ठाणेदार कांचन पांडे यांच्या मार्गदर्शनाखाली पोलीस उपनिरीक्षक प्रीतमकुमार येरमे पुढील तपास करीत आहेत.
 हे लोकमान्य टिळक वाचनालय, बाजार चौक, सराफा लाईन येथे ग्रंथपाल म्हणून कार्यरत आहेत. ३१ ऑक्टोबर रोजी सकाळी सुमारे १०.३० वाजता ते वाचनालयाचे दुसरे ग्रंथपाल राजेश रविंद्र देऊळकर ५५ वर्ष यांच्यासोबत होंडा पॅशन प्रो मोटार सायकलने स्टेट बँक ऑफ इंडिया, ब्रम्हपुरी शाखेत गेले होते. सकाळी १०.५० वाजताच्या सुमारास त्यांनी बँकेतून वाचनालयाचे ३ लाख ७० हजार रुपये काढले. त्यापैकी ४० हजार रुपये पानसे यांनी स्वतःच्या पॅन्टच्या खिशात ठेवले, तर उर्वरित ३ लाख ३० हजार रुपये कापडी पिशवीत ठेवून ती राजेश देऊळकर यांच्याकडे दिली. वाचनालयासमोर आल्यानंतर राजेश यांनी पैशांची पिशवी मोटारसायकलच्या उघड्या डिक्कीत ठेवली.यानंतर पानसे हे पैसे घेऊन घरी जाण्यास निघाले. दरम्यान, वडसा रोडवरील दलाल आटाचक्कीसमोर सकाळी ११.०५ वाजताच्या सुमारास त्यांनी मोटारसायकल रस्त्याच्या बाजूला उभी केली आणि दळण आणण्यासाठी चक्कीत गेले. अवघ्या पाच मिनिटांनी दळणाची पिशवी घेऊन ते बाहेर आले असता मोटारसायकलच्या डिक्कीत ठेवलेली पैशांची पिशवी गायब असल्याचे त्यांच्या लक्षात आले. चोरीचा प्रकार लक्षात येताच त्यांनी शेजारील ऑटो गॅरेजमधील सीसीटीव्ही फुटेज तपासले. त्यामध्ये सलवार परिधान केलेली आणि पांढऱ्या रंगाची ओढणी घेतलेली अंदाजे २५ वर्षांची एक अनोळखी तरुणी मोटारसायकलच्या डिक्कीतून पैशांची पिशवी काढताना दिसून आली. पिशवी हातात घेतल्यानंतर ती तरुणी धावत रस्त्यावर उभ्या असलेल्या पांढऱ्या रंगाच्या स्विफ्ट डिझायर कारमध्ये बसली. तिच्या पाठोपाठ साडी परिधान केलेली अंदाजे ३० वर्षांची दुसरी महिला कारमध्ये बसली. त्यानंतर कार वेगाने वडसा मार्गाने निघून गेली.या प्रकरणी चंद्रभान पानसे यांनी ब्रम्हपुरी पोलीस ठाण्यात तक्रार दाखल केली आहे. भरदिवसा अवघ्या पाच मिनिटांत घडलेल्या या चोरीमुळे नागरिकांमध्ये भीतीचे वातावरण निर्माण झाले असून, बँकेतून मोठी रक्कम काढून नेताना सुरक्षिततेचा प्रश्न पुन्हा ऐरणीवर आला आहे. सीसीटीव्ही फुटेजच्या आधारे पोलिसांकडून दोन्ही महिलांचा आणि चोरीसाठी वापरण्यात आलेल्या पांढऱ्या स्विफ्ट डिझायर कारचा शोध घेतला जात आहे. ब्रम्हपुरीचे ठाणेदार कांचन पांडे यांच्या मार्गदर्शनाखाली पोलीस उपनिरीक्षक प्रीतमकुमार येरमे पुढील तपास करीत आहेत.)
