Petrol Price
दिवाळीनिमित्त तिरुवनंतपुरम-हजरत निजामुद्दीनदरम्यान विशेष रेल्वे : बल्लारशाह, नागपूरला थांबा
विदर्भ न्यूज एक्सप्रेस
तालुका प्रतिनिधी / बल्लारपूर : दिवाळी सणाच्या पार्श्वभूमीवर रेल्वे प्रवाशांची वाढती गर्दी लक्षात घेऊन रेल्वे प्रशासनाने तिरुवनंतपुरम सेंट्रल ते हजरत निजामुद्दीनदरम्यान विशेष रेल्वे चालविण्याचा निर्णय घेतला आहे. ०६०७३/०६०७४ क्रमांकाची ही विशेष रेल्वे दोन्ही दिशांनी प्रत्येकी तीन फेऱ्या करणार आहे. या रेल्वेला बल्लारशाह आणि नागपूर स्थानकांवर थांबा देण्यात आल्याने चंद्रपूर जिल्ह्यातील प्रवाशांना मोठा दिलासा मिळणार आहे.
गाडी क्रमांक ०६०७३ तिरुवनंतपुरम-हजरत निजामुद्दीन विशेष रेल्वे तिरुवनंतपुरम सेंट्रल येथून २, ९ आणि १६ नोव्हेंबर २०२६ रोजी रवाना होईल. ही रेल्वे मंगळवारी रात्री ९.२५ वाजता बल्लारशाह स्थानकावर पोहोचून ९.३० वाजता पुढील प्रवासासाठी रवाना होईल. त्यानंतर बुधवारी रात्री १ वाजता नागपूर स्थानकावर आगमन होऊन १.०५ वाजता प्रस्थान करेल.
परतीच्या प्रवासात गाडी क्रमांक ०६०७४ हजरत निजामुद्दीन-तिरुवनंतपुरम विशेष रेल्वे ५, १२ आणि १९ नोव्हेंबर २०२६ रोजी हजरत निजामुद्दीन येथून सुटेल. ही रेल्वे शुक्रवारी पहाटे ३.४५ वाजता नागपूर स्थानकावर पोहोचून ३.५० वाजता रवाना होईल. तर बल्लारशाह स्थानकावर सकाळी ७.०५ वाजता आगमन होणार आहे.
दिवाळीच्या काळात लांब पल्ल्याच्या रेल्वेगाड्यांमध्ये प्रवाशांची मोठी गर्दी होते. अशा परिस्थितीत या विशेष रेल्वेमुळे दिल्ली तसेच दक्षिण भारताकडे प्रवास करणाऱ्या चंद्रपूर जिल्ह्यासह परिसरातील प्रवाशांना अतिरिक्त रेल्वे सुविधा उपलब्ध होणार आहे.
