Petrol Price
एलसीबीची धडक कारवाई : ट्रॅव्हल्समधून विदेशी दारूची तस्करी करणाऱ्या तीन महिला ताब्यात, ६१ हजारांची दारू जप्त
विदर्भ न्यूज एक्सप्रेस
प्रतिनिधी / चंद्रपूर : खासगी प्रवासी ट्रॅव्हल्समधून विदेशी दारूची अवैध वाहतूक करून चंद्रपुरात विक्री करण्याचा प्रकार स्थानिक गुन्हे शाखेच्या कारवाईत उघडकीस आला आहे. नागपूरहून आलेल्या गणराज ट्रॅव्हल्समधून विदेशी दारूची वाहतूक करणाऱ्या तीन महिलांना पोलिसांनी वरोरा नाका चौकात ताब्यात घेतले. त्यांच्याकडून ६१ हजार ८२० रुपये किमतीच्या विदेशी दारूच्या १८० सीलबंद बाटल्या जप्त करण्यात आल्या. या प्रकरणामुळे प्रवासी वाहतुकीच्या माध्यमातून सुरू असलेल्या अवैध दारूच्या व्यवहाराचा मुद्दा ऐरणीवर आला आहे.
२५ ऑक्टोबर रोजी स्थानिक गुन्हे शाखा, चंद्रपूरच्या पथकाने वरोरा नाका चौकात सापळा रचला. नागपूरहून चंद्रपूरकडे आलेल्या गणराज ट्रॅव्हल्स (क्र. एमएच ४९ एटी १६९६) ची तपासणी केली असता, त्यामधून प्रवास करणाऱ्या तीन महिलांकडे विदेशी दारू आढळून आली. पंचांसमक्ष त्यांच्या बॅगांची झडती घेतली असता बॉम्बे व्हिस्कीच्या ७५० मिली क्षमतेच्या ८० सीलबंद बाटल्या आणि ऑफिसर चॉईस व्हिस्कीच्या १८० मिली क्षमतेच्या १०० सीलबंद बाटल्या मिळून आल्या. जप्त केलेल्या दारूची एकूण किंमत ६१ हजार ८२० रुपये असल्याचे पोलिसांनी सांगितले.
या प्रकरणी राजकुमारी धीरज जाट ३६ वर्ष आणि शिवरात्री संजय जाट ५९ वर्ष , दोघी रा. बेलगाव केंजर मोहल्ला, जबलपूर, मध्य प्रदेश, तसेच विद्या सुनील जाट ५, वर्ष रा. जबलपूर, मध्य प्रदेश) या तीन महिलांना ताब्यात घेण्यात आले आहे. पोलिसांच्या प्राथमिक माहितीनुसार, या महिला नागपूरहून विदेशी दारू आणून चंद्रपूर येथील प्रिन्स केंजर याला विक्रीसाठी देणार होत्या. या प्रकरणातील प्रिन्स केंजर हा पाहिजे आरोपी असून, त्याचा शोध सुरू आहे. अवैध दारूच्या वाहतुकीमागील संपूर्ण साखळी उघडकीस आणण्याच्या दृष्टीने या कारवाईला महत्त्व प्राप्त झाले आहे.
याप्रकरणी रामनगर पोलीस ठाण्यात महाराष्ट्र दारूबंदी कायद्याच्या कलम ६५ (अ) आणि ८३ अन्वये गुन्हा दाखल करण्यात आला आहे. स्थानिक गुन्हे शाखेचे पोलीस निरीक्षक अमोल काचोरे यांच्या नेतृत्वाखाली सहायक पोलीस निरीक्षक योगेश हिवसे, पोलीस उपनिरीक्षक विनोद भुरले, पोलीस उपनिरीक्षक सर्वेश बेलसरे तसेच पोलीस हवालदार नितीन, जयसिंग, सतीश अवथरे, इम्रान खान, लालू यादव, हिरालाल गुप्ता, संदीप आणि पोलीस अंमलदार किशोर वाकाटे व शशांक बदामवार यांनी केले.
 ची तपासणी केली असता, त्यामधून प्रवास करणाऱ्या तीन महिलांकडे विदेशी दारू आढळून आली. पंचांसमक्ष त्यांच्या बॅगांची झडती घेतली असता बॉम्बे व्हिस्कीच्या ७५० मिली क्षमतेच्या ८० सीलबंद बाटल्या आणि ऑफिसर चॉईस व्हिस्कीच्या १८० मिली क्षमतेच्या १०० सीलबंद बाटल्या मिळून आल्या. जप्त केलेल्या दारूची एकूण किंमत ६१ हजार ८२० रुपये असल्याचे पोलिसांनी सांगितले.या प्रकरणी राजकुमारी धीरज जाट ३६ वर्ष आणि शिवरात्री संजय जाट ५९ वर्ष , दोघी रा. बेलगाव केंजर मोहल्ला, जबलपूर, मध्य प्रदेश, तसेच विद्या सुनील जाट ५, वर्ष रा. जबलपूर, मध्य प्रदेश) या तीन महिलांना ताब्यात घेण्यात आले आहे. पोलिसांच्या प्राथमिक माहितीनुसार, या महिला नागपूरहून विदेशी दारू आणून चंद्रपूर येथील प्रिन्स केंजर याला विक्रीसाठी देणार होत्या. या प्रकरणातील प्रिन्स केंजर हा पाहिजे आरोपी असून, त्याचा शोध सुरू आहे. अवैध दारूच्या वाहतुकीमागील संपूर्ण साखळी उघडकीस आणण्याच्या दृष्टीने या कारवाईला महत्त्व प्राप्त झाले आहे.याप्रकरणी रामनगर पोलीस ठाण्यात महाराष्ट्र दारूबंदी कायद्याच्या कलम ६५ (अ) आणि ८३ अन्वये गुन्हा दाखल करण्यात आला आहे. स्थानिक गुन्हे शाखेचे पोलीस निरीक्षक अमोल काचोरे यांच्या नेतृत्वाखाली सहायक पोलीस निरीक्षक योगेश हिवसे, पोलीस उपनिरीक्षक विनोद भुरले, पोलीस उपनिरीक्षक सर्वेश बेलसरे तसेच पोलीस हवालदार नितीन, जयसिंग, सतीश अवथरे, इम्रान खान, लालू यादव, हिरालाल गुप्ता, संदीप आणि पोलीस अंमलदार किशोर वाकाटे व शशांक बदामवार यांनी केले.)
