Petrol Price
शिष्यवृत्ती निधी वितरणाबाबत विद्यार्थ्यांना आवाहन
विदर्भ न्यूज एक्सप्रेस
प्रतिनिधी / नागपूर : सहाय्यक संचालक, इतर मागास बहुजन कल्याण, नागपूर यांच्या कार्यालयामार्फत महाविद्यालयांच्या शैक्षणिक वर्ष २०१३-२०१४ ते २०१८-२०१९ या कालावधीतील वर्षनिहाय शिष्यवृत्तीचा निधी वितरीत करण्यात आला आहे. विद्यार्थ्यांनी व पालकांनी आपल्या संबंधित महाविद्यालयाशी संपर्क साधून आपल्या शिष्यवृत्तीची रक्कम व शैक्षणिक कागदपत्रांबाबतची वस्तुस्थिती तपासून घ्यावी, असे आवाहन इतर मागास बहुजन कल्याण विभागाचे सहाय्यक संचालक केले आहे.
महाविद्यालयांच्या शैक्षणिक वर्षनिहाय एकूण १ हजार ४५३ विद्यार्थ्यांचे शिष्यवृत्तीची देयके काढण्यात आलेली असून, संबंधित महाविद्यालयांना निधी वितरित करण्यात आला आहे. तसेच, विद्यार्थ्यांना देय असलेली शिष्यवृत्तीची रक्कम संबंधित महाविद्यालयांनी सादर केलेल्या बी-स्टेटमेंट (B-Statement) नुसार विद्यार्थ्यांच्या खात्यावर वितरित करण्यात आलेली आहे.
ज्या विद्यार्थ्यांची मूळ शैक्षणिक कागदपत्रे/प्रमाणपत्रे संबंधित महाविद्यालयाकडे जमा असतील, अशा विद्यार्थ्यांनी संबंधित महाविद्यालयाशी संपर्क साधून आपली कागदपत्रे परत प्राप्त करून घ्यावीत. तसेच, शिष्यवृत्तीची रक्कम प्राप्त झालेली नाही असे कारण देऊन एखाद्या महाविद्यालयाने विद्यार्थ्यांकडून कोणतीही रक्कम घेतलेली असल्यास, संबंधित विद्यार्थ्यांनी प्रथम संबंधित महाविद्यालयाशी संपर्क साधून सदर रक्कम परत मिळविण्याबाबत विचारणा करावी.
विद्यार्थ्यांच्या शैक्षणिक हिताच्या दृष्टीने संबंधित महाविद्यालयांनी विद्यार्थ्यांची शैक्षणिक कागदपत्रे अनावश्यकपणे प्रलंबित ठेवू नयेत तसेच शिष्यवृत्ती निधी प्राप्त झालेला असल्यास विद्यार्थ्यांकडून त्याच कारणास्तव कोणतीही रक्कम वसूल करू नये, असे स्पष्ट करण्यात आले आहे.
 नुसार विद्यार्थ्यांच्या खात्यावर वितरित करण्यात आलेली आहे.ज्या विद्यार्थ्यांची मूळ शैक्षणिक कागदपत्रे/प्रमाणपत्रे संबंधित महाविद्यालयाकडे जमा असतील, अशा विद्यार्थ्यांनी संबंधित महाविद्यालयाशी संपर्क साधून आपली कागदपत्रे परत प्राप्त करून घ्यावीत. तसेच, शिष्यवृत्तीची रक्कम प्राप्त झालेली नाही असे कारण देऊन एखाद्या महाविद्यालयाने विद्यार्थ्यांकडून कोणतीही रक्कम घेतलेली असल्यास, संबंधित विद्यार्थ्यांनी प्रथम संबंधित महाविद्यालयाशी संपर्क साधून सदर रक्कम परत मिळविण्याबाबत विचारणा करावी.विद्यार्थ्यांच्या शैक्षणिक हिताच्या दृष्टीने संबंधित महाविद्यालयांनी विद्यार्थ्यांची शैक्षणिक कागदपत्रे अनावश्यकपणे प्रलंबित ठेवू नयेत तसेच शिष्यवृत्ती निधी प्राप्त झालेला असल्यास विद्यार्थ्यांकडून त्याच कारणास्तव कोणतीही रक्कम वसूल करू नये, असे स्पष्ट करण्यात आले आहे.)
