मगराच्या हल्यात शेतकरी जखमी : हरांबा येथील घटना


विदर्भ न्यूज एक्सप्रेस 
तालुका प्रतिनिधी / सावली :
तालुक्यातील हरांबा येथे मगराच्या हल्ल्यात शेतकरी महादेव तुकाराम भोयर (४०)  जखमी झाल्याची घटना आज दुपारी ३.१५ च्या सुमारास घडली. सदर व्यक्ती गुरे चारण्यासाठी गेला होता. नाल्यात गुरे धुण्यासाठी गेले असता अचानक मगराने त्यांच्यावर हल्ला केला. पाण्यातील खळबळ पाहून बैल बाहेर निघाले. महादेव यांनी सुध्दा मगराच्या तावडीतून आपली सुटका करून बाहेर पडले पण त्याच्या मानेला मगराचे दात गडल्याने जखमी झालेआहेत. सदर घटनेची माहिती गावात कळताच गावातील नागरिकांनी घटनास्थळी गर्दी केली होती.
वैनगंगा नदीला पूर आल्याने नदीचा प्रवाह वाढत आहे. हरांबा आणि कढोली येथील नाल्यापर्यंत पाणी आल्याने त्याच पाण्यात मगर आले असून शेतकरी हा त्याच नाल्यालगत गुरे चारून झाल्यानंतर बैल धुण्यासाठी गेला होता.
सदर व्यक्ती जखमी असून त्याला लोंढोली येथील प्राथमिक आरोग्य केंद्रात भरती करण्यात आले असता प्राथमिक आरोग्य केंद्र लोंढोली येथील वैद्यकीय अधिकारी डॉ. देवतळे यांनी जखमींवर प्रथमोपचार करून  पुढील उपचाराकरिता गडचिरोली जिल्हा रुग्णालयात हलविण्यात आले आहे.



  Print






News - Chandrapur | Posted : 2021-08-20




Related Photos