Petrol Price
वरोरा येथील कापूस चोरीचा एलसीबीकडून छडा : दोन आरोपींसह विधिसंघर्षग्रस्त बालक ताब्यात, ५.२३ लाखांचा मुद्देमाल जप्त
विदर्भ न्यूज एक्सप्रेस
प्रतिनिधी / चंद्रपूर : वरोरा पोलीस स्टेशनच्या हद्दीत झालेल्या कापूस चोरीच्या गुन्ह्याचा स्थानिक गुन्हे शाखा, चंद्रपूरने छडा लावला आहे. या प्रकरणात दोन आरोपींसह एका विधिसंघर्षग्रस्त बालकाला ताब्यात घेण्यात आले असून, त्यांच्याकडून चोरीचा २.५ क्विंटल कापूस आणि गुन्ह्यात वापरण्यात आलेली झायलो कार असा एकूण ५ लाख २३ हजार रुपयांचा मुद्देमाल जप्त करण्यात आला आहे. या प्रकरणात आरोपी सागर लक्ष्मण चव्हाण २९ वर्ष , रा. नागरी, ता. वरोरा, जि. चंद्रपूर, अमोल महादेव जाधव २२ वर्ष , रा. दहेगाव, सेलू, ह.मु. हिंगणघाट, जि. वर्धा आणि एका विधिसंघर्षग्रस्त बालकाला पोलिसांनी ताब्यात घेतले आहे. वरोरा पोलीस स्टेशनमध्ये अप. क्र. १२०६७/२०२६, कलम ३०३ (२) भारतीय न्याय संहितेनुसार कापूस चोरीचा गुन्हा दाखल करण्यात आला होता. या गुन्ह्यातील अज्ञात आरोपींचा शोध घेण्यासह चोरीला गेलेला कापूस हस्तगत करण्यासाठी स्थानिक गुन्हे शाखेचे पथक तपास करीत होते.
दरम्यान, १ नोव्हेंबर २०२६ रोजी स्थानिक गुन्हे शाखेच्या अधिकारी व अंमलदारांना गोपनीय माहिती मिळाली. त्यानुसार पोलिसांनी संशयितांचा शोध घेऊन तिघांना ताब्यात घेतले. त्यांच्याकडून चोरी केलेल्या कापसापैकी २.५ क्विंटल कापूस, किंमत २३ हजार रुपये, तसेच चोरीसाठी वापरण्यात आलेली झायलो कंपनीची कार, किंमत ५ लाख रुपये, असा एकूण ५ लाख २३ हजार रुपयांचा मुद्देमाल जप्त करण्यात आला. या प्रकरणाचा पुढील तपास वरोरा पोलीस स्टेशनकडून सुरू आहे.
सदर कारवाई पोलीस अधीक्षक आयुष नोपानी आणि अपर पोलीस अधीक्षक ईश्वर कातकडे यांच्या मार्गदर्शनाखाली स्थानिक गुन्हे शाखेचे पोलीस निरीक्षक अमोल काचोरे यांच्या सहायक पोलीस निरीक्षक बलराम झाडोकार, पोलीस उपनिरीक्षक सर्वेश बेलसरे, पोलीस हवालदार रजनीकांत पुठ्ठावार, सचिन गुरनुले, सुभाष गोहोकार, पोलीस अंमलदार विठ्ठल काकडे आणि पोलीस शिपाई दिनेश आगडे यांचा समावेश होता.
 भारतीय न्याय संहितेनुसार कापूस चोरीचा गुन्हा दाखल करण्यात आला होता. या गुन्ह्यातील अज्ञात आरोपींचा शोध घेण्यासह चोरीला गेलेला कापूस हस्तगत करण्यासाठी स्थानिक गुन्हे शाखेचे पथक तपास करीत होते.दरम्यान, १ नोव्हेंबर २०२६ रोजी स्थानिक गुन्हे शाखेच्या अधिकारी व अंमलदारांना गोपनीय माहिती मिळाली. त्यानुसार पोलिसांनी संशयितांचा शोध घेऊन तिघांना ताब्यात घेतले. त्यांच्याकडून चोरी केलेल्या कापसापैकी २.५ क्विंटल कापूस, किंमत २३ हजार रुपये, तसेच चोरीसाठी वापरण्यात आलेली झायलो कंपनीची कार, किंमत ५ लाख रुपये, असा एकूण ५ लाख २३ हजार रुपयांचा मुद्देमाल जप्त करण्यात आला. या प्रकरणाचा पुढील तपास वरोरा पोलीस स्टेशनकडून सुरू आहे.सदर कारवाई पोलीस अधीक्षक आयुष नोपानी आणि अपर पोलीस अधीक्षक ईश्वर कातकडे यांच्या मार्गदर्शनाखाली स्थानिक गुन्हे शाखेचे पोलीस निरीक्षक अमोल काचोरे यांच्या सहायक पोलीस निरीक्षक बलराम झाडोकार, पोलीस उपनिरीक्षक सर्वेश बेलसरे, पोलीस हवालदार रजनीकांत पुठ्ठावार, सचिन गुरनुले, सुभाष गोहोकार, पोलीस अंमलदार विठ्ठल काकडे आणि पोलीस शिपाई दिनेश आगडे यांचा समावेश होता.)
