महत्वाच्या बातम्या

आपल्याला लक्ष्य केले जाईल या भीतीने न्यायाधीश जामीन देण्यास टाळाटाळ करतात : सरन्यायाधीश चंद्रचूड यांचे वक्तव्य

विदर्भ न्यूज एक्सप्रेस
वृत्तसंस्था / मुंबई : ज्यांच्या भरवशावर देशातील जनता कायद्यावर विश्वास न्यायमूर्तीसाठी देशात भीतीचे वातावरण तयार झाले आहे. अनेक न्यायाधीश आपल्याला लक्ष्य केले जाईल या भीतीने जामीन देण्यास टाळाटाळ करतात. असे मत सर्वोच्च न्यायालयाचे मुख्य न्यायमूर्ती डीवाय चंद्रचूड यांनी व्यक्त केले आहे. शनिवारी सांगितले की बार कौन्सिल ऑफ इंडियाने आयोजित केलेल्या सत्कार समारंभात सरन्यायाधीश डीवाय चंद्रचूड बोलत होते.
यावेळी सरन्यायाधीश चंद्रचूड म्हणाले की, जामीन देण्याची इच्छा नसल्यामुळे उच्च न्यायव्यवस्थेत मोठ्या प्रमाणात जामीनाचे अर्ज प्रलंबित आहेत. गुन्हा समजत नसल्यामुळे अनेक ठिकाणी न्यायाधीश जामीन देण्यास टाळाटाळ करतात असे नाही, उलट अनेक प्रकरणांमध्ये जामीन दिल्यानंतर न्यायाधीशांना लक्ष्य केले जाण्याची भीती वाटत आहे.
या कार्यक्रमात केंद्रीय कायदा मंत्री किरेन रिजिजू देखील उपस्थित होते. बदल्यांबाबत सरन्यायाधीशांना भेटणाऱ्या वकिलांच्या संख्येवर त्यांनी चिंता व्यक्त केली. यावेळी रिजिजू म्हणाले, मी ऐकले आहे की काही वकील आपल्या बदल्यांसंदर्भात मुख्य न्यामूर्तीना भेटू इच्छित आहेत. ही तुमची वैयक्तिक समस्या असू शकते. परंतु कॉलेजियमने घेतलेला प्रत्येक निर्णय मागे घेण्यासाठी असे केले जात असेल, तर पुन्हा असे होऊ नये याची कलगी घ्या.