Petrol Price
अपघातात चालक ठार, एक जण गंभीर जखमी
विदर्भ न्यूज एक्सप्रेस
प्रतिनिधी / भंडारा : वरठी बायपास मार्गावर बोलेरो पिकअप वाहनाचा अपघात होऊन चालकाचा मृत्यू झाला, तर अन्य एक जण गंभीर जखमी झाला. ही घटना २९ ऑक्टोबर रोजी रात्री ११.३० वाजताच्या सुमारास घडली. कुंदन रघुवंशी २८ वर्षे रा. सानगडी असे मृत चालकाचे नाव असून, जितेंद्र श्रीराम सावसाकडे २६ वर्षे रा. कुंभली, ता. साकोली हे गंभीर जखमी झाले आहेत.
मिळालेल्या माहितीनुसार, बोलेरो पिकअप एमएच ३६ एए ५५२९ हे वाहन कारधा येथून वरठीकडे जात होते. दरम्यान, वरठी बायपास मार्गावरील चौथ्या किलोमीटरजवळ या वाहनाचा अपघात झाला. या दुर्घटनेत चालक कुंदन रघुवंशी यांचा मृत्यू झाला, तर जितेंद्र सावसाकडे गंभीर जखमी झाले.
या प्रकरणी जखमीच्या बयाणासह वैद्यकीय अहवालाच्या आधारे भंडारा पोलिसांनी भारतीय दंड संहिता व मोटार वाहन कायद्यान्वये गुन्हा नोंदविला आहे. या प्रकरणाचा पुढील तपास पोलीस करीत आहेत.
