Petrol Price
महिलेवरील लैंगिक अत्याचारप्रकरणी आरोपीला जन्मठेप : वरोरा सत्र न्यायालयाचा निकाल
विदर्भ न्यूज एक्सप्रेस
प्रतिनिधी / चंद्रपूर : महिलेवर लैंगिक अत्याचार केल्याप्रकरणी वरोरा येथील अतिरिक्त सत्र न्यायालयाने आरोपीला जन्मठेपेची शिक्षा सुनावली. ही शिक्षा २९ ऑक्टोबर २०२६ रोजी सुनावण्यात आली. या प्रकरणात आरोपीला भारतीय दंड संहितेच्या विविध कलमांनुसार जन्मठेपेसह अतिरिक्त कारावास आणि दंडाची शिक्षा ठोठावण्यात आली.
२९ एप्रिल २०२१ रोजी संबंधित महिला आरोपीसोबत चारचाकी वाहनाने आपल्या वाढवणा या गावाकडे जात होती. मात्र, खैरी येथून वाढवणा येथे जाण्याऐवजी आरोपीने वाहन मावळी मार्गावरील नागरी मावळीपासून दोन ते तीन किलोमीटर अंतरावर नेले. तेथे महिलेला धमकी देऊन मारहाण केली आणि तिच्यावर लैंगिक अत्याचार केला. या घटनेप्रकरणी महिलेने दिलेल्या फिर्यादीवरून वरोरा पोलीस ठाण्यात गुन्हा क्रमांक ३५३/२०२१ अन्वये भारतीय दंड संहितेच्या कलम ३७६, ३७६ (२) (एन), ३२३ आणि ५०६ अंतर्गत गुन्हा दाखल करण्यात आला. त्यानंतर आरोपीला अटक करण्यात आली.
या प्रकरणाचा तपास महिला सहाय्यक पोलीस निरीक्षक विद्या जाधव यांनी केला. तपासादरम्यान प्रत्यक्षदर्शी साक्षीदार, वैद्यकीय अहवाल आणि परिस्थितीजन्य पुरावे गोळा करून न्यायालयात वेळेत दोषारोपपत्र दाखल करण्यात आले.
वरोरा येथील अतिरिक्त सत्र न्यायालयाचे न्यायाधीश अतुल के. शहा यांच्या न्यायालयात या खटल्याची सुनावणी झाली. सरकार पक्षातर्फे सरकारी अभियोक्ता ॲड. गोविंद उराडे यांनी बाजू मांडली. सरकार पक्षाने सादर केलेले साक्षीपुरावे आणि युक्तिवाद ग्राह्य धरून न्यायालयाने आरोपीला भारतीय दंड संहितेच्या कलम ३७६ (२) (एन) अंतर्गत जन्मठेप आणि पाच हजार रुपये दंड, दंड न भरल्यास तीन महिन्यांचा साधा कारावास सुनावला. तसेच कलम ३७६ अंतर्गत सात वर्षांचा कारावास व ४० रुपये दंड, कलम ३२३ अंतर्गत एक वर्षाचा कारावास व एक हजार रुपये दंड, तर कलम ५०६ अंतर्गत एक वर्षाचा कारावास व एक हजार रुपये दंडाची शिक्षा सुनावली.
या प्रकरणात तपास अधिकारी म्हणून महिला सहाय्यक पोलीस निरीक्षक विद्या जाधव यांनी काम पाहिले. सरकारी अभियोक्ता ॲड. गोविंद उराडे यांनी न्यायालयात सरकार पक्षाची बाजू मांडली, तर न्यायालयीन पैरवी अधिकारी म्हणून सहाय्यक फौजदार धनराज करकाडे यांनी काम पाहिले.
पोलीस अधीक्षक आयुष नोपाणी, अपर पोलीस अधीक्षक ईश्वर कातकडे आणि वरोरा उपविभागीय पोलीस अधिकारी यांच्या मार्गदर्शनाखाली चंद्रपूर जिल्हा पोलीस दलाच्या दोषसिद्धी कक्षाच्या समन्वयातून ही कार्यवाही पूर्ण करण्यात आली.
 (एन), ३२३ आणि ५०६ अंतर्गत गुन्हा दाखल करण्यात आला. त्यानंतर आरोपीला अटक करण्यात आली.या प्रकरणाचा तपास महिला सहाय्यक पोलीस निरीक्षक विद्या जाधव यांनी केला. तपासादरम्यान प्रत्यक्षदर्शी साक्षीदार, वैद्यकीय अहवाल आणि परिस्थितीजन्य पुरावे गोळा करून न्यायालयात वेळेत दोषारोपपत्र दाखल करण्यात आले.वरोरा येथील अतिरिक्त सत्र न्यायालयाचे न्यायाधीश अतुल के. शहा यांच्या न्यायालयात या खटल्याची सुनावणी झाली. सरकार पक्षातर्फे सरकारी अभियोक्ता ॲड. गोविंद उराडे यांनी बाजू मांडली. सरकार पक्षाने सादर केलेले साक्षीपुरावे आणि युक्तिवाद ग्राह्य धरून न्यायालयाने आरोपीला भारतीय दंड संहितेच्या कलम ३७६ (२) (एन) अंतर्गत जन्मठेप आणि पाच हजार रुपये दंड, दंड न भरल्यास तीन महिन्यांचा साधा कारावास सुनावला. तसेच कलम ३७६ अंतर्गत सात वर्षांचा कारावास व ४० रुपये दंड, कलम ३२३ अंतर्गत एक वर्षाचा कारावास व एक हजार रुपये दंड, तर कलम ५०६ अंतर्गत एक वर्षाचा कारावास व एक हजार रुपये दंडाची शिक्षा सुनावली.या प्रकरणात तपास अधिकारी म्हणून महिला सहाय्यक पोलीस निरीक्षक विद्या जाधव यांनी काम पाहिले. सरकारी अभियोक्ता ॲड. गोविंद उराडे यांनी न्यायालयात सरकार पक्षाची बाजू मांडली, तर न्यायालयीन पैरवी अधिकारी म्हणून सहाय्यक फौजदार धनराज करकाडे यांनी काम पाहिले.पोलीस अधीक्षक आयुष नोपाणी, अपर पोलीस अधीक्षक ईश्वर कातकडे आणि वरोरा उपविभागीय पोलीस अधिकारी यांच्या मार्गदर्शनाखाली चंद्रपूर जिल्हा पोलीस दलाच्या दोषसिद्धी कक्षाच्या समन्वयातून ही कार्यवाही पूर्ण करण्यात आली.)
