'अँटिलिया' प्रकरण : परमबीर सिहांनी प्रकरणाची दिशाभूल करण्यासाठी सायबर एक्सपर्टला दिली लाच


विदर्भ न्यूज एक्सप्रेस 
वृत्तसंस्था / मुंबई :
राष्ट्रीय तपास यंत्रणेकडून (NIA) दाखल केलेल्या एका चार्जशीटमध्ये एजन्सीमधील एका सायबर एक्सपर्टने धक्कादायक माहिती दिली आहे. माजी पोलिस आयुक्त परमबीर सिंह यांनी अँटिलिया कांड प्रकरणाची दिशाभूल करण्यासाठी जैश उल हिन्द नावाच्या दहशतवादी संघटनेशी संबंधिक अहवालात छेडछाड केली असल्याचा दावा एक्सपर्टने केला आहे. यासाठी  परमबीर सिंह यांनी सायबर एक्सपर्टला पाच लाखांची लाच दिली असल्याचेही त्याने सांगितले आहे. 
सायबर एक्सपर्टने एनआयएला आपला जबाब दिला होता.  ज्यामध्ये सायबर एक्सपर्टने सांगितले की, अँटिलिया घटनेनंतर 'जैश-उल-हिंद' या अतिरेकी संघटनेने या घटनेची जबाबदारी स्वीकारली, असे त्यांना त्यांच्या अहवालात लिहिण्यास सांगितले होते. त्यासाठी दिल्लीत इस्रायल दूतावासासमोर स्फोट झाल्यानंतर टेलिग्राम चॅनेलचा वापर करण्यात आला.
तपास यंत्रणेला सुरुवातीपासूनच अँटिलिया प्रकरणात समोर आलेल्या जैश उल हिन्दच्या षडयंत्रात परमबीर सिंह यांचा सहभाग असल्याता संशय आहे. मात्र त्यांनी आपल्या चार्जशीटमध्ये परमबीर सिंह यांचा रोल काय आहे याबाबत काही लिहिलेले नाही. मात्र आता सायबर एक्सपर्टने परमबीर यांचे नाव घेतले आहे.   




  Print






News - Rajy | Posted : 2021-09-08






Related Photos