Petrol Price
गडचिरोलीच्या जिल्हा शल्यचिकित्सक डॉ. वर्षा लहाडे निलंबित
- पर्यवेक्षकीय जबाबदारीत निष्काळजीपणा व कर्तव्यात कसूर केल्याचा ठपका; विभागीय चौकशीचेही आदेश
विदर्भ न्यूज एक्सप्रेस
प्रतिनिधी / गडचिरोली : गडचिरोलीच्या जिल्हा शल्यचिकित्सक डॉ. वर्षा शिवाजी लहाडे यांच्यावर महाराष्ट्र शासनाच्या सार्वजनिक आरोग्य विभागाने निलंबनाची कारवाई केली आहे. त्यांच्या पर्यवेक्षकीय जबाबदारीत अक्षम्य निष्काळजीपणा व दुर्लक्ष करून कर्तव्यात कसूर केल्याचे शासनाच्या आदेशात नमूद करण्यात आले आहे. या प्रकरणाची विभागीय चौकशी करण्याचे आदेशही शासनाने दिले आहेत.
महाराष्ट्र शासनाच्या सार्वजनिक आरोग्य विभागाने १६ सप्टेंबर २०२६ रोजी जारी केलेल्या गोपनीय आदेशानुसार ही कारवाई करण्यात आली आहे. महाराष्ट्र नागरी सेवा (शिस्त व अपील) नियम, १९७९ मधील नियम ४ मधील तरतुदीनुसार डॉ. लहाडे यांना आदेशाच्या दिनांकापासून निलंबित करण्यात आले असून, पुढील आदेश होईपर्यंत त्यांचे निलंबन कायम राहणार आहे.
पर्यवेक्षकीय जबाबदारीत कसूर -
शासनाच्या आदेशात डॉ. लहाडे यांनी त्यांच्या पर्यवेक्षकीय जबाबदारीत निष्काळजीपणा व दुर्लक्ष केल्याचे नमूद करण्यात आले आहे. या प्रकरणातील नेमकी वस्तुस्थिती आणि जबाबदारी निश्चित करण्यासाठी विभागीय चौकशी करण्यात येणार आहे. चौकशीच्या निष्कर्षानंतर पुढील प्रशासकीय कारवाईबाबत निर्णय होण्याची शक्यता आहे.
गोंदिया जिल्हा रुग्णालय राहणार मुख्यालय -
निलंबनाच्या कालावधीत डॉ. वर्षा लहाडे यांचे मुख्यालय जिल्हा रुग्णालय, गोंदिया येथे निश्चित करण्यात आले आहे. सक्षम अधिकाऱ्याची पूर्वपरवानगी घेतल्याशिवाय त्यांना निलंबनाच्या कालावधीत मुख्यालय सोडता येणार नसल्याचे आदेशात स्पष्ट करण्यात आले आहे.
निर्वाहभत्ता व पूरक भत्ते मिळणार -
निलंबनाच्या कालावधीत शासनाच्या नियमानुसार डॉ. लहाडे यांना निर्वाहभत्ता तसेच लागू असलेले इतर पूरक भत्ते देण्यात येणार आहेत. निलंबन काळातील त्यांच्या सेवा-संबंधित बाबी शासनाच्या प्रचलित नियमांनुसार हाताळल्या जाणार आहेत.
राज्यपालांच्या आदेशाने कारवाई -
महाराष्ट्राचे राज्यपाल यांच्या आदेशानुसार व नावाने हा निलंबन आदेश जारी करण्यात आला आहे. सार्वजनिक आरोग्य विभागातील कार्यासन अधिकारी अनिल महादेव कुमेरिये यांनी डिजिटल स्वाक्षरीद्वारे हा आदेश जारी केला आहे.
डॉ. लहाडे यांच्या निलंबनामुळे गडचिरोलीच्या आरोग्य विभागात चर्चेला उधाण आले असून, आता विभागीय चौकशीकडे सर्वांचे लक्ष लागले आहे. चौकशीमध्ये समोर येणाऱ्या निष्कर्षांनुसार या प्रकरणातील पुढील प्रशासकीय निर्णय स्पष्ट होणार आहेत.
 नियम, १९७९ मधील नियम ४ मधील तरतुदीनुसार डॉ. लहाडे यांना आदेशाच्या दिनांकापासून निलंबित करण्यात आले असून, पुढील आदेश होईपर्यंत त्यांचे निलंबन कायम राहणार आहे.पर्यवेक्षकीय जबाबदारीत कसूर -शासनाच्या आदेशात डॉ. लहाडे यांनी त्यांच्या पर्यवेक्षकीय जबाबदारीत निष्काळजीपणा व दुर्लक्ष केल्याचे नमूद करण्यात आले आहे. या प्रकरणातील नेमकी वस्तुस्थिती आणि जबाबदारी निश्चित करण्यासाठी विभागीय चौकशी करण्यात येणार आहे. चौकशीच्या निष्कर्षानंतर पुढील प्रशासकीय कारवाईबाबत निर्णय होण्याची शक्यता आहे.गोंदिया जिल्हा रुग्णालय राहणार मुख्यालय -निलंबनाच्या कालावधीत डॉ. वर्षा लहाडे यांचे मुख्यालय जिल्हा रुग्णालय, गोंदिया येथे निश्चित करण्यात आले आहे. सक्षम अधिकाऱ्याची पूर्वपरवानगी घेतल्याशिवाय त्यांना निलंबनाच्या कालावधीत मुख्यालय सोडता येणार नसल्याचे आदेशात स्पष्ट करण्यात आले आहे.निर्वाहभत्ता व पूरक भत्ते मिळणार -निलंबनाच्या कालावधीत शासनाच्या नियमानुसार डॉ. लहाडे यांना निर्वाहभत्ता तसेच लागू असलेले इतर पूरक भत्ते देण्यात येणार आहेत. निलंबन काळातील त्यांच्या सेवा-संबंधित बाबी शासनाच्या प्रचलित नियमांनुसार हाताळल्या जाणार आहेत.राज्यपालांच्या आदेशाने कारवाई -महाराष्ट्राचे राज्यपाल यांच्या आदेशानुसार व नावाने हा निलंबन आदेश जारी करण्यात आला आहे. सार्वजनिक आरोग्य विभागातील कार्यासन अधिकारी अनिल महादेव कुमेरिये यांनी डिजिटल स्वाक्षरीद्वारे हा आदेश जारी केला आहे.डॉ. लहाडे यांच्या निलंबनामुळे गडचिरोलीच्या आरोग्य विभागात चर्चेला उधाण आले असून, आता विभागीय चौकशीकडे सर्वांचे लक्ष लागले आहे. चौकशीमध्ये समोर येणाऱ्या निष्कर्षांनुसार या प्रकरणातील पुढील प्रशासकीय निर्णय स्पष्ट होणार आहेत.)
