Petrol Price
सैनिक स्कूल चंद्रपूरचे राष्ट्रीय स्पर्धेत सर्वसाधारण विजेतेपद
- आठ दिवसांच्या स्पर्धेत कॅडेट्सची दमदार कामगिरी , विजापूर संघ उपविजेता
विदर्भ न्यूज एक्सप्रेस
प्रतिनिधी / चंद्रपूर : सैनिक स्कूल, चंद्रपूर येथे आयोजित करण्यात आलेल्या ऑल इंडिया सैनिक स्कूल्स नॅशनल गेम्स गट जी स्तरावरील क्रीडा व साहित्यिक स्पर्धांचा गुरुवारी ३ उत्साहपूर्ण वातावरणात समारोप झाला. तब्बल आठ दिवस चाललेल्या या राष्ट्रीय स्पर्धेत देशभरातील नऊ नामांकित सैनिक शाळांमधील छात्र सैनिकांनी (कॅडेट्स) सहभाग घेत विविध क्रीडा व साहित्यिक स्पर्धांमध्ये आपल्या कौशल्याची चमक दाखवली. या स्पर्धेत व्हॉलीबॉल, बास्केटबॉल, अॅथलेटिक्स, वादविवाद आणि प्रश्नमंजुषा अशा विविध स्पर्धांचे आयोजन करण्यात आले होते. राष्ट्रीय स्तरावरील या स्पर्धांमध्ये सहभागी कॅडेट्सनी उत्कृष्ट खेळाचे प्रदर्शन करत स्पर्धांमध्ये रंगत आणली.
बास्केटबॉलमध्ये चंद्रपूरची बाजी -
मुलांच्या तसेच मुलींच्या बास्केटबॉल स्पर्धेत यजमान सैनिक स्कूल, चंद्रपूरच्या संघांनी विजेतेपद पटकावले. दोन्ही गटांमध्ये चंद्रपूरच्या खेळाडूंनी प्रभावी कामगिरी करत प्रतिस्पर्धी संघांवर मात केली. मैदानावरील या उल्लेखनीय कामगिरीच्या जोरावर सैनिक स्कूल, चंद्रपूरने सर्वसाधारण विजेतेपदाचा मान मिळविला. तर सैनिक स्कूल, विजापूर संघाने सर्वसाधारण उपविजेतेपद पटकावले. यजमान शाळेच्या कॅडेट्सनी विविध क्रीडा प्रकारांत सातत्यपूर्ण कामगिरी केल्याने सर्वसाधारण विजेतेपद मिळविण्यात त्यांना यश आले.
राष्ट्रीय स्तरावरील स्पर्धेला उत्स्फूर्त प्रतिसाद -
आठ दिवस चाललेल्या या स्पर्धेत देशभरातील नऊ सैनिक शाळांमधील कॅडेट्स सहभागी झाले होते. क्रीडा प्रकारांसोबतच वादविवाद आणि प्रश्नमंजुषा यांसारख्या साहित्यिक व बौद्धिक स्पर्धांमधून विद्यार्थ्यांच्या विविध गुणांना वाव मिळाला. विविध शाळांतील विद्यार्थ्यांना एकमेकांच्या कौशल्याचा अनुभव घेण्याबरोबरच संघभावना आणि मैत्रीपूर्ण वातावरण निर्माण करण्याची संधी या स्पर्धेतून मिळाली. स्पर्धेचे उद्घाटन चंद्रपूर वन अकादमीचे अतिरिक्त संचालक उमेश उदल वर्मा यांच्या हस्ते करण्यात आले होते. उद्घाटनापासूनच विविध स्पर्धांना कॅडेट्सचा उत्स्फूर्त प्रतिसाद लाभला.
विजेत्यांचा गौरव -
स्पर्धेच्या समारोपीय कार्यक्रमात जिल्हाधिकारी वसुमना पंत यांच्या हस्ते विजेत्या संघांना चॅम्पियनशिप ट्रॉफी प्रदान करून गौरविण्यात आले. विजेत्या कॅडेट्सचे यावेळी अभिनंदन करण्यात आले. याप्रसंगी सैनिक स्कूलचे प्राचार्य कॅप्टन अश्विन अनुपदेव आणि उपप्राचार्य लेफ्टनंट कर्नल रुब्बी दीक्षित उपस्थित होते.
शिस्त आणि नेतृत्वगुणांना चालना -
राष्ट्रीय स्तरावरील अशा क्रीडा स्पर्धांमुळे विद्यार्थ्यांच्या शारीरिक क्षमतेसोबतच मानसिक आणि सामाजिक विकासालाही चालना मिळते. क्रीडा स्पर्धांमधून विद्यार्थ्यांमध्ये शिस्त, नेतृत्वगुण, बंधुभाव, संघभावना आणि क्रीडाभावना वृद्धिंगत होण्यास मदत होते. तसेच पराभवातून शिकण्याची आणि विजयात नम्र राहण्याची शिकवणही विद्यार्थ्यांना मिळते, असे मान्यवरांनी सांगितले. सैनिक स्कूल, चंद्रपूरच्या कॅडेट्सनी राष्ट्रीय स्तरावर केलेल्या या उल्लेखनीय कामगिरीबद्दल त्यांचे सर्व स्तरांतून अभिनंदन होत आहे.
 सहभाग घेत विविध क्रीडा व साहित्यिक स्पर्धांमध्ये आपल्या कौशल्याची चमक दाखवली. या स्पर्धेत व्हॉलीबॉल, बास्केटबॉल, अॅथलेटिक्स, वादविवाद आणि प्रश्नमंजुषा अशा विविध स्पर्धांचे आयोजन करण्यात आले होते. राष्ट्रीय स्तरावरील या स्पर्धांमध्ये सहभागी कॅडेट्सनी उत्कृष्ट खेळाचे प्रदर्शन करत स्पर्धांमध्ये रंगत आणली.बास्केटबॉलमध्ये चंद्रपूरची बाजी -मुलांच्या तसेच मुलींच्या बास्केटबॉल स्पर्धेत यजमान सैनिक स्कूल, चंद्रपूरच्या संघांनी विजेतेपद पटकावले. दोन्ही गटांमध्ये चंद्रपूरच्या खेळाडूंनी प्रभावी कामगिरी करत प्रतिस्पर्धी संघांवर मात केली. मैदानावरील या उल्लेखनीय कामगिरीच्या जोरावर सैनिक स्कूल, चंद्रपूरने सर्वसाधारण विजेतेपदाचा मान मिळविला. तर सैनिक स्कूल, विजापूर संघाने सर्वसाधारण उपविजेतेपद पटकावले. यजमान शाळेच्या कॅडेट्सनी विविध क्रीडा प्रकारांत सातत्यपूर्ण कामगिरी केल्याने सर्वसाधारण विजेतेपद मिळविण्यात त्यांना यश आले.राष्ट्रीय स्तरावरील स्पर्धेला उत्स्फूर्त प्रतिसाद -आठ दिवस चाललेल्या या स्पर्धेत देशभरातील नऊ सैनिक शाळांमधील कॅडेट्स सहभागी झाले होते. क्रीडा प्रकारांसोबतच वादविवाद आणि प्रश्नमंजुषा यांसारख्या साहित्यिक व बौद्धिक स्पर्धांमधून विद्यार्थ्यांच्या विविध गुणांना वाव मिळाला. विविध शाळांतील विद्यार्थ्यांना एकमेकांच्या कौशल्याचा अनुभव घेण्याबरोबरच संघभावना आणि मैत्रीपूर्ण वातावरण निर्माण करण्याची संधी या स्पर्धेतून मिळाली. स्पर्धेचे उद्घाटन चंद्रपूर वन अकादमीचे अतिरिक्त संचालक उमेश उदल वर्मा यांच्या हस्ते करण्यात आले होते. उद्घाटनापासूनच विविध स्पर्धांना कॅडेट्सचा उत्स्फूर्त प्रतिसाद लाभला.विजेत्यांचा गौरव -स्पर्धेच्या समारोपीय कार्यक्रमात जिल्हाधिकारी वसुमना पंत यांच्या हस्ते विजेत्या संघांना चॅम्पियनशिप ट्रॉफी प्रदान करून गौरविण्यात आले. विजेत्या कॅडेट्सचे यावेळी अभिनंदन करण्यात आले. याप्रसंगी सैनिक स्कूलचे प्राचार्य कॅप्टन अश्विन अनुपदेव आणि उपप्राचार्य लेफ्टनंट कर्नल रुब्बी दीक्षित उपस्थित होते.शिस्त आणि नेतृत्वगुणांना चालना -राष्ट्रीय स्तरावरील अशा क्रीडा स्पर्धांमुळे विद्यार्थ्यांच्या शारीरिक क्षमतेसोबतच मानसिक आणि सामाजिक विकासालाही चालना मिळते. क्रीडा स्पर्धांमधून विद्यार्थ्यांमध्ये शिस्त, नेतृत्वगुण, बंधुभाव, संघभावना आणि क्रीडाभावना वृद्धिंगत होण्यास मदत होते. तसेच पराभवातून शिकण्याची आणि विजयात नम्र राहण्याची शिकवणही विद्यार्थ्यांना मिळते, असे मान्यवरांनी सांगितले. सैनिक स्कूल, चंद्रपूरच्या कॅडेट्सनी राष्ट्रीय स्तरावर केलेल्या या उल्लेखनीय कामगिरीबद्दल त्यांचे सर्व स्तरांतून अभिनंदन होत आहे.)
