महत्वाच्या बातम्या

राष्ट्रपती डॉ.ए.पी.जे. अब्दुल कलाम यांची जयंती वाचन प्रेरणा दिन म्हणून साजरी

विदर्भ न्यूज एक्सप्रेस
प्रतिनिधी / देसाईगंज : देसाईगंज येथील आदर्श कॉलेजमध्ये शनिवारी माजी राष्ट्रपती डॉ. ए.पी.जे.अब्दुल कलाम यांची जयंती वाचन प्रेरणा दिन म्हणून साजरी करण्यात आली. कार्यक्रमाच्या अध्यक्षस्थानी प्राचार्य डॉ. शंकर कुकरेजा होते. वाचन प्रेरणा दिना निमित्त महाविद्यालयात डॉ. कलाम यांच्या जीवनकार्यावर आधारित पुस्तकांचे प्रदर्शन भरविले. दरम्यान विद्यार्थ्यांना डॉ. विवेक बिंद्रा यांनी एलसीडी प्रोजेक्टरद्वारे डॉ. कलाम यांचा जीवनपट दाखविला. कार्यक्रमाला डॉ. जयदेव देशमुख, प्रा.रमेश घोटे, प्रा. नीलेश हलामी, डॉ. हितेंद्र पीटे उपस्थित होते. यशस्वीतेसाठी ग्रंथालय सहायक जाहीद शेख वमहाविद्यालयातील सर्व प्राध्यापक व शिक्षकेतर कर्मचाऱ्यानी सहकार्य केले.