Petrol Price
अवैध वाळू वाहतुकीविरुद्ध RTO गडचिरोलीची कारवाई : आतापर्यंत सात वाहनांवर ४ लाख ३६ हजार ५०० रुपयांचा दंड
विदर्भ न्यूज एक्सप्रेस
प्रतिनिधी / गडचिरोली : अवैध वाळू वाहतुकीला आळा घालण्यासाठी उप प्रादेशिक परिवहन कार्यालय, गडचिरोली यांच्यामार्फत कारवाई करण्यात आली. या कारवाईदरम्यान एकूण सात वाहनांवर दंडात्मक कारवाई करण्यात आली असून, संबंधित वाहनांवर एकूण ४ लाख ३६ हजार ५०० रुपयांचा दंड आकारण्यात आला आहे.या कारवाईमध्ये दोन वाहनांकडून एकूण १ लाख २० हजार ५०० रुपये दंड वसूल करण्यात आला आहे. उर्वरित पाच वाहनांचा ३ लाख १६ हजार रुपये दंड बाकी आहे. संबंधित वाहनांवर नियमानुसार पुढील कार्यवाही करण्यात येत आहे.
कारवाईतील वाहनांचा तपशील -
- वाहन क्रमांक : MH४०CT५६८१ - ७१ हजार ५०० रुपये दंड वसूल.
- वाहन क्रमांक : MH३४CQ७७७८ - ४९ हजार रुपये दंड वसूल.
या दोन्ही वाहनांकडून एकूण १ लाख २० हजार ५०० रुपये दंड वसूल करण्यात आला असून, दंडाची रक्कम जमा केल्यानंतर ही वाहने तहसीलदार, गडचिरोली यांच्या कार्यालयात सुपूर्द करण्यात आली आहेत.
२. दंडाची रक्कम बाकी असलेली वाहने -
- वाहन क्रमांक : MH४९CM८८८२ - ८९ हजार रुपये दंड बाकी.
- वाहन क्रमांक : MH४०CD५७९० - ६८ हजार ५०० रुपये दंड बाकी.
- वाहन क्रमांक : MH४०CD०३५५ - ७० हजार ५०० रुपये दंड बाकी.
- वाहन क्रमांक : MH४९BZ९३१२ - ६३ हजार रुपये दंड बाकी.
- वाहन क्रमांक : MH३३W८७८६ - ३४ हजार रुपये दंड बाकी.
वरील पाच वाहनांपैकी MH४९CM८८८२, MH४०CD५७९०, MH४०CD०३५५ आणि MH४९BZ९३१२ही चार वाहने गडचिरोली येथील राज्य परिवहन महामंडळाच्या बसस्थानक परिसरात अटकावून ठेवण्यात आली आहेत. तर MH३३W८७८६ हे वाहन तहसील कार्यालय, गडचिरोली येथे स्थानबद्ध करण्यात आले आहे.
MH४९CM८८८२ या वाहनाच्या प्रकरणात न्यायालयाच्या दिनांक २ सप्टेंबर २०२६ रोजीच्या आदेशानुसार वाहनमालकाने सुपूर्दनामा अर्ज दाखल केल्याची नोंद आहे.अशा प्रकारे सात वाहनांवर एकूण ४ लाख ३६ हजार ५०० रुपये दंड आकारण्यात आला असून, त्यापैकी १ लाख २० हजार ५०० रुपये वसूल झाले आहेत. उर्वरित ३ लाख १६ हजार रुपये दंडाची रक्कम बाकी आहे.
उप प्रादेशिक परिवहन अधिकारी, गडचिरोली यांचे आवाहन -
उप प्रादेशिक परिवहन अधिकारी, गडचिरोली यांनी वाहनमालक व चालकांना आवाहन केले की, अवैध वाळू वाहतूक तसेच वाहतूक नियमांचे उल्लंघन करणाऱ्या वाहनांविरुद्ध परिवहन विभागामार्फत नियमानुसार कठोर कारवाई करण्यात येत आहे. त्यामुळे वाहनमालक व चालकांनी वाहनांची आवश्यक कागदपत्रे वैध ठेवावीत आणि संबंधित वाहतुकीसाठी आवश्यक असलेल्या परवानग्या घेऊनच वाहनांचा वापर करावा.
अवैध वाहतूक करणाऱ्या वाहनांविरुद्ध यापुढेही तपासणी करून नियमानुसार दंडात्मक कारवाई करण्यात येईल. परिवहन विभागामार्फत नियमांचे पालन सुनिश्चित करण्यासाठी आणि अवैध वाहतुकीला आळा घालण्यासाठी अशा प्रकारच्या कारवाया यापुढेही सुरू राहणार आहेत.
