महत्वाच्या बातम्या

आरटीई अंतर्गत प्रवेश प्रक्रियेत नियमभंग : खोट्या कागदपत्रांवर प्रवेश घेणाऱ्या पालकांवर फौजदारी कारवाईची मागणी

विदर्भ न्यूज एक्सप्रेस
प्रतिनिधी / गडचिरोली : तालुका शिक्षण विभागात आरटीई (राईट टू एज्युकेशन) अंतर्गत प्रवेश प्रक्रियेत नियमभंग झाल्याचे आढळल्याने सामाजिक कार्यकर्त्यांनी पालकांसह तातडीने कारवाई करण्याची मागणी केली आहे.

आज माननीय शिक्षणाधिकारी आणि तालुका गट शिक्षणाधिकारी यांना निवेदनाद्वारे माहिती देण्यात आली, ज्यामध्ये आरटीई अंतर्गत खोट्या कागदपत्रांवर प्रवेश घेणाऱ्या पालकांवर फौजदारी गुन्हे दाखल करण्याची मागणी करण्यात आली. यावेळी सामाजिक युवा कार्यकर्ते तसेच सर्व पालक एकजुटीने उपस्थित होते.

निवेदनात सांगितले आहे की, येत्या पंधरा दिवसांत सर्व शाळांमध्ये पंचनामा करून आणि संबंधित कागदपत्रांची नीट पडताळणी करूनच आरटीई अंतर्गत प्रवेश मंजूर केला जावा. अन्यथा, पालक संघटना आणि सामाजिक कार्यकर्ते जिल्हा परिषद समोर उग्र आंदोलन करू शकतात, असा इशारा देण्यात आला.

सामाजिक कार्यकर्त्यांचे म्हणणे आहे की, आरटीई अंतर्गत प्रवेश प्रक्रियेत पारदर्शकता सुनिश्चित करणे गरजेचे आहे आणि नियमभंग करणाऱ्यांवर कठोर कारवाई होणे आवश्यक आहे, जेणेकरून भविष्यात अशी परिस्थिती उद्भवू नये.