Petrol Price
शेगावच्या बसस्थानकावर महिलेची ५० हजारांची सोन्याची पोत चोरीला
विदर्भ न्यूज एक्सप्रेस
प्रतिनिधी / चंद्रपूर : बाजार करून गावी परत जाण्यासाठी बसमध्ये चढत असताना गर्दीचा फायदा घेत अज्ञात चोरट्याने एका महिलेच्या गळ्यातील सुमारे ५० हजार रुपये किमतीची सोन्याची पोत चोरून नेल्याची घटना शेगाव (बु.) येथील बसस्थानकावर घडली.
रेखा दिलीप आवारी (वय ५३), रा. वडगाव, ता. वरोरा असे चोरीला बळी पडलेल्या महिलेचे नाव आहे. त्या आपल्या नणंद कमल डाहुले यांच्यासोबत १२ नोव्हेंबर रोजी शेगाव (बु.) येथे बाजार करण्यासाठी आल्या होत्या. बाजारातील खरेदी आटोपल्यानंतर दुपारी सुमारे २ वाजता त्या बसस्थानकाजवळील अभिजीत हॉटेलसमोर बसची वाट पाहत बसल्या होत्या.
दरम्यान, दुपारी ३ वाजताच्या सुमारास वरोरा ते येरखेडा बस आल्यानंतर दोघीही बसमध्ये चढल्या. यावेळी बसमध्ये प्रवाशांची मोठी गर्दी होती. बस काही अंतर पुढे गेल्यानंतर रेखा आवारी यांनी आपल्या गळ्यातील पोत पाहिली असता ती गायब असल्याचे त्यांच्या लक्षात आले. गर्दीचा फायदा घेत अज्ञात चोरट्याने त्यांच्या गळ्यातील सुमारे १० ग्रॅम वजनाची सोन्याची पोत चोरून नेली होती. या पोतमध्ये दोन डोरले, चार मणी तसेच सोन्याचे व काळे मणी होते. तिची किंमत अंदाजे ५० हजार रुपये आहे.
पोत चोरीला गेल्याचे लक्षात आल्यानंतर त्यांनी शेगाव (बु.) पोलीस ठाण्यात धाव घेऊन तक्रार दाखल केली. याप्रकरणी अज्ञात चोरट्याविरुद्ध गुन्हा नोंदविण्यात आला असून, पुढील तपास पोलीस उपनिरीक्षक दिलीप पोले करीत आहेत.
 येथील बसस्थानकावर घडली.रेखा दिलीप आवारी (वय ५३), रा. वडगाव, ता. वरोरा असे चोरीला बळी पडलेल्या महिलेचे नाव आहे. त्या आपल्या नणंद कमल डाहुले यांच्यासोबत १२ नोव्हेंबर रोजी शेगाव (बु.) येथे बाजार करण्यासाठी आल्या होत्या. बाजारातील खरेदी आटोपल्यानंतर दुपारी सुमारे २ वाजता त्या बसस्थानकाजवळील अभिजीत हॉटेलसमोर बसची वाट पाहत बसल्या होत्या.दरम्यान, दुपारी ३ वाजताच्या सुमारास वरोरा ते येरखेडा बस आल्यानंतर दोघीही बसमध्ये चढल्या. यावेळी बसमध्ये प्रवाशांची मोठी गर्दी होती. बस काही अंतर पुढे गेल्यानंतर रेखा आवारी यांनी आपल्या गळ्यातील पोत पाहिली असता ती गायब असल्याचे त्यांच्या लक्षात आले. गर्दीचा फायदा घेत अज्ञात चोरट्याने त्यांच्या गळ्यातील सुमारे १० ग्रॅम वजनाची सोन्याची पोत चोरून नेली होती. या पोतमध्ये दोन डोरले, चार मणी तसेच सोन्याचे व काळे मणी होते. तिची किंमत अंदाजे ५० हजार रुपये आहे.पोत चोरीला गेल्याचे लक्षात आल्यानंतर त्यांनी शेगाव (बु.) पोलीस ठाण्यात धाव घेऊन तक्रार दाखल केली. याप्रकरणी अज्ञात चोरट्याविरुद्ध गुन्हा नोंदविण्यात आला असून, पुढील तपास पोलीस उपनिरीक्षक दिलीप पोले करीत आहेत.)
