Petrol Price
गडचिरोली जिल्ह्यात जाणारा अवैध दारूचा ट्रक कोठारी पोलिसांच्या जाळ्यात : १६.५६ लाखांचा मुद्देमाल जप्त
विदर्भ न्यूज एक्सपरीस
तालुका प्रतिनिधी / बल्लारपूर : गडचिरोली जिल्ह्यात अवैधरीत्या देशी दारूची वाहतूक करणाऱ्या ट्रकला स्थानिक गुन्हे शाखा आणि कोठारी पोलिसांनी संयुक्त कारवाईत पकडले. रात्री ११ वाजताच्या सुमारास पोलिसांची नाकाबंदी पाहून चालकाने ट्रक सोडून पळ काढला. मात्र, पोलिसांनी ट्रकमधील देशी दारूच्या ३९ पेट्यांसह तब्बल १६ लाख ५६ हजार रुपयांचा मुद्देमाल जप्त केला. या कारवाईमुळे अवैध दारू वाहतूक करणाऱ्यांमध्ये खळबळ उडाली आहे.
६ नोव्हेंबर रोजी कोठारी पोलीस ठाण्याच्या हद्दीतील बल्लारपूर-कोठारी मार्गावर सातबारा हॉटेलजवळ ही कारवाई करण्यात आली. गडचिरोली जिल्ह्याच्या दिशेने अवैध दारूची वाहतूक होणार असल्याची गोपनीय माहिती पोलिसांना मिळाली होती. त्यानुसार स्थानिक गुन्हे शाखा आणि कोठारी पोलिसांच्या पथकाने संयुक्तरीत्या नाकाबंदी केली.
रात्री ११ वाजताच्या सुमारास MH३४ AB५५९२ क्रमांकाचा ट्रक येताना दिसताच पोलिसांनी चालकाला थांबण्याचा इशारा केला. मात्र, चालकाने ट्रक न थांबवता पळून जाण्याचा प्रयत्न केला. काही अंतरावर ट्रक थांबवून तो वाहन सोडून पसार झाला. पोलिसांनी ट्रकची तपासणी केली असता त्यामध्ये रॉकेट संत्रा कंपनीच्या देशी दारूच्या ३९ पेट्या आढळून आल्या. ९० एमएलच्या एकूण ३ हजार ९०० बाटल्यांची किंमत १ लाख ५६ हजार रुपये असून, वाहतुकीसाठी वापरण्यात आलेल्या ट्रकची किंमत १५ लाख रुपये आहे. असा एकूण १६ लाख ५६ हजार रुपयांचा मुद्देमाल जप्त करण्यात आला.
याप्रकरणी फरार ट्रकचालकाविरुद्ध कोठारी पोलीस ठाण्यात महाराष्ट्र दारूबंदी अधिनियमाच्या कलम ६५ (अ) तसेच मोटार वाहन कायद्याच्या कलम १७९ (१) अन्वये गुन्हा दाखल करण्यात आला असून, त्याचा शोध घेतला जात आहे.
ही संयुक्त कारवाई स्थानिक गुन्हे शाखेचे पोलीस निरीक्षक अमोल काचोरे यांचा नेतृत्वात सहायक पोलीस निरीक्षक बलराम झाडोकर, पोहवा शरद कुडे, पोहवा रामराव बिंगेवाड, पोअं शेखर माथनकर, चापोअं रिषभ बारसिंगे तसेच कोठारी पोलीस ठाण्याचे ठाणेदार सपोनि, दिपक कांक्रेडवार, पोअं. अविनाश झाडे, पोअं. रोशन विनोदे, पोअं पवन पाटेकर, पो अं गणेश देठे यांनी केले.
 तसेच मोटार वाहन कायद्याच्या कलम १७९ (१) अन्वये गुन्हा दाखल करण्यात आला असून, त्याचा शोध घेतला जात आहे.ही संयुक्त कारवाई स्थानिक गुन्हे शाखेचे पोलीस निरीक्षक अमोल काचोरे यांचा नेतृत्वात सहायक पोलीस निरीक्षक बलराम झाडोकर, पोहवा शरद कुडे, पोहवा रामराव बिंगेवाड, पोअं शेखर माथनकर, चापोअं रिषभ बारसिंगे तसेच कोठारी पोलीस ठाण्याचे ठाणेदार सपोनि, दिपक कांक्रेडवार, पोअं. अविनाश झाडे, पोअं. रोशन विनोदे, पोअं पवन पाटेकर, पो अं गणेश देठे यांनी केले.)
