लाच घेतल्याप्रकरणी फरार असलेल्या माध्यमिक शिक्षणाधिकारी डॉ. वैशाली झनकर अखेर पोलिसांच्या ताब्यात


विदर्भ न्यूज एक्सप्रेस 
वृत्तसंस्था / नाशिक :
नाशिक जिल्हा परिषदेच्या लाचखोर शिक्षणाधिकारी वैशाली झनकर वीर यांना अटक करण्यात आली आहे. ८  लाख रुपयांची लाच स्वीकारल्या प्रकरणी ही अटक करण्यात आली आहे. काल वीर या पोलिसांच्या हातावर तुरी देऊन पसार झाल्या होत्या. त्यानंतर ठाणे एसीबीने धडाकेबाज कारवाई केली आहे.
फरार झालेल्या माध्यमिक शिक्षणाधिकारी डॉ वैशाली झनकर-वीर पोलिसांच्या ताब्यात असून ठाणे एसीबी पथकाने  त्यांना अटक केली आहे. झनकर यांना अटक करण्यात ठाणे अधीक्षक डॉ पंजाबराव उगले यांच्या टीमला यश आले आहे.
गेल्या दोन दिवसांपासून वैशाली यांचा शोध सुरु होता. अधिकारी पल्लवी ढगे यांनी त्यांना अटक केली आहे. वैशाली यांना आज न्यायालयात हजर करणार आहे. अटकपूर्व जामिनासाठी डॉ. वैशाली यांनी दाखल केलेल्या अर्जावर आज न्यायालयात सुनावणी होणार होती. त्यापूर्वीच ठाणे एसीबीने  त्यांना ताब्यात घेतले आहे.



  Print






News - Rajy | Posted : 2021-08-13




Related Photos