महत्वाच्या बातम्या

गडचिरोली जिल्ह्यात जाणारा अवैध दारू साठा जप्त : गोंडपिपरी पोलिसांची कारवाई

विदर्भ न्यूज एक्सप्रेस

प्रतिनिधी / चंद्रपूर : चंद्रपूर जिल्ह्यातून शेजारच्या गडचिरोली जिल्ह्यात दारूची तस्करी करणाऱ्या दोन आरोपींना गोंडपिपरी पोलिसांनी अटक केली असून त्यांच्याकडून ५२ हजार ५०० रुपयांची दारू आणि ४.५२ लाख रुपयांची वाहने जप्त केली आहेत. पोलिसांनी ही कारवाई १४ व १५ मार्च रोजी रात्री १.२० वाजता शिवाजी चौक गोंडपिपरी येथून एक किमी अंतरावर केली.

प्रकाश विजय बोरकर, रा. सिद्धार्थनगर दुर्गापूर (चंद्रपूर) व शैलेश वानखेडे, रा. तुकूम चंद्रपूर यांच्याकडून १५ मार्च रोजी रात्री ८ मोठ्या निळ्या रंगाच्या प्लास्टिकच्या पिशव्यांमधील ५२ हजार ५०० रुपये किमतीची रॉकेट केशरी देशी दारू, हुंडाई चारचाकी गाडी क्र. एमएच ०५ सीएच १६९९ मध्ये गुप्तपणे नेण्यात येत होते. मात्र गस्तीवर असलेल्या गोंडपिपरी पोलिसांनी गोंडपिपरी गांधी चौकापासून एक किलोमीटर अंतरावर नाकाबंदी करून त्यांना अटक करून माल जप्त केला. महाराष्ट्राची दारू शेजारील जिल्ह्यात दारूप्रेमींना अधिक आवडते, त्यामुळे जिल्ह्यातून दारूची तस्करी सुरूच असते, असे सांगितले जाते.

गोंडपिपरी पीएसआय मनोहर मोगरे यांच्या अहवालाच्या आधारे दोन्ही आरोपींविरुद्ध अंमली पदार्थ प्रतिबंध कायदा कलम ६५ अ, ८३ अन्वये गुन्हा दाखल करून त्यांना ताकीद देऊन सोडून दिले आहे.