Petrol Price
२०५ अधिकारी-कर्मचाऱ्यांची आरोग्य तपासणी
- सेवा संकल्प अभियानांतर्गत जिल्हाधिकारी कार्यालयातर्फे आयोजन
विदर्भ न्यूज एक्सप्रेस
प्रतिनिधी / चंद्रपूर : सेवा संकल्प अभियानांतर्गत जिल्हाधिकारी वसुमना पंत यांच्या संकल्पनेतून जिल्हाधिकारी कार्यालय व परिसरातील विविध शासकीय कार्यालयांमध्ये कार्यरत अधिकारी व कर्मचाऱ्यांसाठी आरोग्य तपासणी शिबिराचे आयोजन करण्यात आले. नियोजन भवन येथे ६ ऑक्टोबर रोजी आयोजित या शिबिरात विविध विभागांतील २०५ अधिकारी-कर्मचाऱ्यांनी उत्स्फूर्त सहभाग नोंदवून आरोग्य तपासणीचा लाभ घेतला.
जिल्ह्यात १७ सप्टेंबर ते १७ ऑक्टोबर२०२६ या कालावधीत ‘सेवा संकल्प अभियान’ राबविण्यात येत आहे. या अभियानाचा भाग म्हणून कर्मवीर मा.सा. कन्नमवार शासकीय वैद्यकीय महाविद्यालय, पंडित दीनदयाल उपाध्याय कॅन्सर हॉस्पिटल आणि जिल्हा आरोग्य अधिकारी, जिल्हा परिषद यांच्या संयुक्त विद्यमाने या विशेष आरोग्य तपासणी शिबिराचे आयोजन करण्यात आले. विविध शासकीय कार्यालयातील २०५ अधिकारी व कर्मचाऱ्यांची आरोग्य तपासणी करण्यात आली. यात १४९ जणांची रक्त तपासणी, १७५ जणांची बीपी आणि शुगर तपासणी, ६५ जणांची दंत तपासणी, ९३ जणांची ईसीजी करण्यात आली.
यावेळी जिल्हाधिकारी वसुमना पंत, अपर जिल्हाधिकारी डॉ. नितीन व्यवहारे, निवासी उपजिल्हाधिकारी, दगडू कुंभार यांच्यासह विविध विभागांचे अधिकारी व कर्मचारी प्रत्यक्ष सहभागी झाले आणि त्यांनी आरोग्य तपासणीचा लाभ घेतला. शिबिरासाठी शासकीय वैद्यकीय महाविद्यालय, कॅन्सर हॉस्पिटल आणि जिल्हा आरोग्य अधिकारी कार्यालयातील फिजिशियन, सर्जन, स्त्रीरोग तज्ज्ञ तसेच विविध विषयांतील तज्ज्ञ डॉक्टर व त्यांच्या सहकार्यांनी सेवा दिली.
यासोबतच मानसोपचार तज्ज्ञ तथा प्रमुख मार्गदर्शक डॉ. सायली दाभेराव आणि क्लिनिकल डायटिशियन डॉ. प्रिती कांबळे (जनबंधु) यांनी अधिकारी-कर्मचाऱ्यांना आरोग्यविषयक मार्गदर्शन केले. शिबिराच्या समारोपप्रसंगी निवासी उपजिल्हाधिकारी कुंभार यांनी आरोग्य तपासणीसाठी सेवा देणाऱ्या सर्व तज्ज्ञ डॉक्टर, वैद्यकीय अधिकारी, सहायक कर्मचारी यांचे आभार मानले.
 यांनी अधिकारी-कर्मचाऱ्यांना आरोग्यविषयक मार्गदर्शन केले. शिबिराच्या समारोपप्रसंगी निवासी उपजिल्हाधिकारी कुंभार यांनी आरोग्य तपासणीसाठी सेवा देणाऱ्या सर्व तज्ज्ञ डॉक्टर, वैद्यकीय अधिकारी, सहायक कर्मचारी यांचे आभार मानले.)
