महत्वाच्या बातम्या

एलआयसीविरोधी नवीन प्रस्ताव रद्द करा : खा. अशोक नेते यांच्याकडे मागणी

विदर्भ न्यूज एक्सप्रेस

प्रतिनिधी / गडचिरोली : एलआयसीविरोधी आय आरडीएआयचे नवीन प्रस्ताव अन्यायकारक आहे. हा प्रस्ताव तत्काळ रद्द करण्यात यावा, अशी मागणी एलआयसी विकास अधिकारी राष्ट्रीय संघटनेच्या वतीने खा. अशोक नेते यांच्याकडे केली. याबाबतचे निवेदन त्यांना देण्यात आले आहे.

गेल्या काही महिन्यांपासून विमाक्षेत्र नियंत्रक (आयआरडीएआय) कडून विमाक्षेत्र विरोधी, पॉलिसीधारक विरोधी, अभिकर्ताविरोधी, एलआयसी ऑफ इंडियाविरोधी अनेक प्रस्ताव देण्यात आले आहेत. हे प्रस्ताव लागू झाल्यास देशातील भारत सरकारची मालकी हक्क असलेली संस्था भारतीय आयुर्विमा महामंडळ (एलआयसी) अनेक दृष्टीने अडचणीत येईल. आहे. एलआयसीमध्ये कार्यरत असलेले अभिकर्ता, विकास अधिकारी तसेच कर्मचारी संकटात येण्याची शक्यता या प्रस्तावामध्ये आहे. नवीन प्रस्ताव एलआयसीविरोधी पर्यायाने देशविरोधी असल्यामुळे एनएफआयएफडबल्यूआय या राष्ट्रीय संघटनेने संपूर्ण देशातील सर्व लोकसभा, राज्यसभा खासदारांना प्रत्यक्ष भेटून विषयाची गंभीरता समजवणारे निवेदन देण्याची मोहीम सुरू केली आहे. त्याच मोहिमेचा भाग म्हणून गडचिरोली-चिमूर क्षेत्राचे खासदार अशोक नेते यांना निवेदन देण्यात आले.

निवेदन देतेवेळी नागपूर विभागीय अध्यक्ष विवेक पाचखेडे, महासचिव अनुप गुल्हाणे, उपाध्यक्ष मिताली सरकार, सहसचिव अमित भलावे, सुशील हिंगे, हेमंत हुसके, स्वप्निल सावरकर, अतुल खांबाळकर, संदीप वैरागडे, अनिल आत्राम तसेच गडचिरोली, ब्रम्हपुरी शाखेचे विकास अधिकारी उपस्थित होते.