महत्वाच्या बातम्या

गडचिरोली विधानसभा क्षेत्राच्या विकासासाठी सातत्याने निधी आणणार : आ. देवराव होळी

- ग्रामीण भागाच्या विकास कामासाठी २५१५ अंतर्गत ५ कोटी रुपयांची कामे मंजूर

- आमदार डॉक्टर देवराव होळी यांनी मागणी केलेल्या कामांना सरकारने दिली मंजुरी

- मुख्यमंत्री, उपमुख्यमंत्री व ग्रामविकास मंत्र्यांचे आमदार डॉक्टर देवराव होळी यांनी मानले आभार

विदर्भ न्यूज एक्सप्रेस

प्रतिनिधी / गडचिरोली : गडचिरोली विधानसभा क्षेत्राच्या विकासासाठी आपण कटिबद्ध असून या क्षेत्राच्या विकासासाठी निधी मिळावा यासाठी आपण सातत्याने शासन स्तरावरून प्रयत्न करीत असल्याचे प्रतिपादन आमदार डॉक्टर देवराव होळी यांनी गडचिरोली विधानसभा क्षेत्रातील ग्रामीण भागातील विकास कामांसाठी ५ कोटी रुपयांच्या कामांना २५१५ अंतर्गत मंजुरी प्रदान केली असता आभार व्यक्त करताना केले.

आमदार डॉक्टर देवराव होळी यांनी मागणी केलेल्या ५ कोटी रुपयांच्या कामांना २५१५ अंतर्गत मंजुरी प्रदान केली असून ग्रामविकास विभागामार्फत निधी उपलब्ध करून देण्यात आलेला.

५ कोटी रुपयांची कामे मंजूर केल्याबद्दल आमदार डॉक्टर देवराव होळी यांनी राज्याचे मुख्यमंत्री ना. एकनाथ शिंदे, उपमुख्यमंत्री ना. देवेंद्र फडणवीस व राज्याचे ग्रामविकास मंत्री ना. गिरीश महाजन यांचे आभार मानले

गडचिरोली विधानसभा क्षेत्राचा विकास हा एकच ध्यास आपण बाळगला असून या विधानसभा क्षेत्रातील आवश्यक कामांना राज्य सरकारने निधी उपलब्ध करून द्यावा अशी मागणी आपण भेटी, चर्चा व पत्राद्वारे राज्य सरकार मधील विविध मंत्र्यांना केलेली आहेत. ग्रामीण भागातील विकास कामांसाठी ५ रुपयांच्या कामांना कोटी मंजुरी मिळालेली असल्याने ही कामे लवकरात लवकर व्हावी यासाठी आपण प्रयत्न करणार असल्याचे ते यावेळी म्हणाले.