चंद्रपुरात घडली विचित्र घटना : नागाने सश्याची सोळा पिल्ले गिळली व बाहेर काढली


विदर्भ न्यूज एक्सप्रेस 
प्रतिनिधी / चंद्रपूर :
जिल्ह्यातील मुल तालुक्यात विचित्र घटना घडली. नाग सापाने सश्याला चावा घेऊन त्याला ठार केले अन त्या सश्याची सोळा पिल्ले गिळली. सर्पमित्राने जेव्हा सापाला पकडले तेव्हा सापाने सश्याची पिल्ले ओकली.
ही घटना मूल तालुक्यातील करवन गावातील दिवाकर चौधरी यांच्या घरी घडली. करवन या गावातील दिवाकर चौधरी यांच्या घरी एका साडेपाच फूट लांबीच्या नागाने पाळीव सश्याला ठार केले. त्याची सोळा पिल्ले देखील गिळली. मूल येथील संजीवन पर्यावरण संस्थेचे सदस्य तन्मयसिंह झिरे, दिनेश खेवले, अक्षय दुम्मावार यांनी घटना स्थळी जाऊन सुरक्षितपणे नागाला पकडले.
नागाला पकडताच त्याने गिळलेली सश्याची सोळा पिल्ले बाहेर काढली. कोणतेही भक्ष्य गिळलेल्या सापाला पकडल्यानंतर तो साप खाल्लेले भक्ष्य बाहेर काढतो. ही सापांची नैसर्गिक प्रतिक्रिया आहे. या घटनेची चर्चा जिल्हाभर रंगली आहे.



  Print






News - Chandrapur | Posted : 2021-10-02




Related Photos