पोर्ला : पैशाच्या लालसेपोटी पती व सासूनेच लावली सुनेला आग, पिडितेची प्रकृती चिंताजनक


विदर्भ न्यूज एक्स्प्रेस 
प्रतिनिधी / गडचिरोली :
शहरापासून अवघ्या १५ की. मी. अंतरावर असलेल्या पोर्ला या गावात एका विवाहित महिलेला, तिच्या नवऱ्याने आई आणि बहिणीच्या मदतीने रॉकेल टाकून पेटविल्याची घटना काल२६ सप्टेंबर रोही रात्री ९ वाजताच्या सुमारास घडली. सदर घटनेची माहिती गावातील काही नागरिकांनी पोलिस ठाण्यात दिली असता लागलीच पोलिस कर्मचाऱ्यांनी घटनास्थळी येऊन पीडित महिलेला ताबडतोब सामान्य रुग्णालयात दाखल केले.
जिल्हा सामान्य रुग्णालयात प्राथमिक उपचार केल्यानंतर पुढील उपचाराकरिता तिला नागपूर मेडिकल मध्ये रेफर करण्यात आले आहे. सदर पीडित महिलेला पोलिसांनी विचारणा केली असता, नवऱ्याने, सासूने आणि ननदेने रॉकेल टाकून जाळले असे आपल्या बयानात सांगितले. पीडित महिलेच्या बयानावरून जिवे मारणे, हुंडा आणण्यासाठी त्रास देणे ह्या आरोपाखाली पती, सासू, आणि नंनद विरूध्द गुन्हा दाखल करण्यात आला असून तिन्ही आरोपींना अटक करण्यात आली आहे. घटनेचा पुढील तपास गडचिरोली पोलिस करीत आहे.

 



  Print






News - Gadchiroli | Posted : 2021-09-27




Related Photos