Petrol Price
BIT बल्लारपूर आणि CIPET चंद्रपूरमध्ये दोन वर्षांचा सामंजस्य करार : विद्यार्थ्यांना मिळणार औद्योगिक प्रशिक्षणाची संधी
विदर्भ न्यूज एक्सप्रेस
तालुका प्रतिनिधी / बल्लारपूर : विद्यार्थ्यांचे तांत्रिक कौशल्य विकसित करण्यासोबतच त्यांना औद्योगिक क्षेत्रातील प्रत्यक्ष कामाचा अनुभव मिळावा आणि रोजगाराच्या नव्या संधी उपलब्ध व्हाव्यात, या उद्देशाने बल्लारपूर इन्स्टिट्यूट ऑफ टेक्नॉलॉजी (BIT), बल्लारपूर आणि केंद्र सरकारच्या सेंट्रल इन्स्टिट्यूट ऑफ प्लास्टिक्स इंजिनिअरिंग अँड टेक्नॉलॉजी (CIPET), चंद्रपूर यांच्यात १ ऑक्टोबर २०२६ रोजी दोन वर्षांचा सामंजस्य करार करण्यात आला. या करारामुळे उद्योग आणि शिक्षण क्षेत्रातील सहकार्याला चालना मिळणार असून, विद्यार्थ्यांना आधुनिक तंत्रज्ञानाचे ज्ञान आणि व्यावहारिक प्रशिक्षण मिळण्याचा मार्ग मोकळा झाला आहे.
या सामंजस्य करारांतर्गत दोन्ही संस्थांच्या सहकार्याने विद्यार्थ्यांसाठी औद्योगिक प्रशिक्षण, इंटर्नशिप, तज्ज्ञांची व्याख्याने, तांत्रिक कार्यशाळा, औद्योगिक भेटी, कौशल्य विकास कार्यक्रम आणि संयुक्त प्रकल्प राबविण्यात येणार आहेत. या उपक्रमांमुळे विद्यार्थ्यांना औद्योगिक क्षेत्रातील प्रत्यक्ष कामकाज समजून घेता येणार असून, आधुनिक तंत्रज्ञान आत्मसात करण्यासह रोजगारासाठी आवश्यक कौशल्ये विकसित करण्याची संधी मिळणार आहे.
BIT बल्लारपूरच्या मेकॅनिकल इंजिनिअरिंग विभागाचे विभागप्रमुख प्रा. प्रशांत वाळके यांच्या मार्गदर्शनाखाली हा उपक्रम यशस्वीपणे पूर्ण करण्यात आला. या वेळी त्यांनी CIPET चंद्रपूरचे संचालक प्रवीण बचाओ आणि प्रशिक्षण व प्लेसमेंट अधिकारी पुष्पक देशमुख यांचे विशेष आभार मानले. सामंजस्य करारासाठी त्यांनी केलेले सहकार्य, मार्गदर्शन आणि प्रोत्साहन महत्त्वपूर्ण ठरले.
BIT बल्लारपूरचे अध्यक्ष संजय वासाडे, संचालक डॉ. रजनीकांत मिश्रा, संशोधन अधिष्ठाता डॉ. झेड. जे. खान, शैक्षणिक अधिष्ठाता डॉ. सत्यनारायण, पॉलिटेक्निकचे प्राचार्य श्रीकांत गोजे आणि प्रशिक्षण व प्लेसमेंट अधिकारी ज्योती मोराई यांचेही या उपक्रमासाठी मार्गदर्शन व सहकार्य लाभले.
कराराच्या अंमलबजावणीत प्रा. श्रेयस शेंडे, प्रा. स्नेहल बेसकर, प्रा. भगवत ढेकवार, प्रा. जाहिद अन्सारी आणि प्रा. विपीन डभेरे या शिक्षकांसह शिक्षकेतर कर्मचारी धनंजय पाठक, प्रतीक पाठक आणि नितीन गिलबिले यांनी महत्त्वपूर्ण योगदान दिले.
दोन वर्षांच्या कालावधीत राबविण्यात येणाऱ्या विविध उपक्रमांमुळे विद्यार्थ्यांना केवळ पुस्तकी ज्ञानापुरते मर्यादित न राहता प्रत्यक्ष औद्योगिक अनुभव घेता येणार आहे. उद्योगक्षेत्राच्या बदलत्या गरजा लक्षात घेऊन तांत्रिक कौशल्ये विकसित करणे, विद्यार्थ्यांची रोजगारक्षमता वाढविणे आणि त्यांना औद्योगिक क्षेत्रातील आव्हानांसाठी सक्षम बनविणे, हा या सहकार्याचा प्रमुख उद्देश आहे. BIT बल्लारपूर आणि CIPET चंद्रपूर यांच्यातील हा सामंजस्य करार गुणवत्तापूर्ण तांत्रिक शिक्षण आणि उद्योगाभिमुख प्रशिक्षणाच्या दिशेने महत्त्वपूर्ण पाऊल मानले जात आहे.
, बल्लारपूर आणि केंद्र सरकारच्या सेंट्रल इन्स्टिट्यूट ऑफ प्लास्टिक्स इंजिनिअरिंग अँड टेक्नॉलॉजी (CIPET), चंद्रपूर यांच्यात १ ऑक्टोबर २०२६ रोजी दोन वर्षांचा सामंजस्य करार करण्यात आला. या करारामुळे उद्योग आणि शिक्षण क्षेत्रातील सहकार्याला चालना मिळणार असून, विद्यार्थ्यांना आधुनिक तंत्रज्ञानाचे ज्ञान आणि व्यावहारिक प्रशिक्षण मिळण्याचा मार्ग मोकळा झाला आहे.या सामंजस्य करारांतर्गत दोन्ही संस्थांच्या सहकार्याने विद्यार्थ्यांसाठी औद्योगिक प्रशिक्षण, इंटर्नशिप, तज्ज्ञांची व्याख्याने, तांत्रिक कार्यशाळा, औद्योगिक भेटी, कौशल्य विकास कार्यक्रम आणि संयुक्त प्रकल्प राबविण्यात येणार आहेत. या उपक्रमांमुळे विद्यार्थ्यांना औद्योगिक क्षेत्रातील प्रत्यक्ष कामकाज समजून घेता येणार असून, आधुनिक तंत्रज्ञान आत्मसात करण्यासह रोजगारासाठी आवश्यक कौशल्ये विकसित करण्याची संधी मिळणार आहे.BIT बल्लारपूरच्या मेकॅनिकल इंजिनिअरिंग विभागाचे विभागप्रमुख प्रा. प्रशांत वाळके यांच्या मार्गदर्शनाखाली हा उपक्रम यशस्वीपणे पूर्ण करण्यात आला. या वेळी त्यांनी CIPET चंद्रपूरचे संचालक प्रवीण बचाओ आणि प्रशिक्षण व प्लेसमेंट अधिकारी पुष्पक देशमुख यांचे विशेष आभार मानले. सामंजस्य करारासाठी त्यांनी केलेले सहकार्य, मार्गदर्शन आणि प्रोत्साहन महत्त्वपूर्ण ठरले.BIT बल्लारपूरचे अध्यक्ष संजय वासाडे, संचालक डॉ. रजनीकांत मिश्रा, संशोधन अधिष्ठाता डॉ. झेड. जे. खान, शैक्षणिक अधिष्ठाता डॉ. सत्यनारायण, पॉलिटेक्निकचे प्राचार्य श्रीकांत गोजे आणि प्रशिक्षण व प्लेसमेंट अधिकारी ज्योती मोराई यांचेही या उपक्रमासाठी मार्गदर्शन व सहकार्य लाभले.कराराच्या अंमलबजावणीत प्रा. श्रेयस शेंडे, प्रा. स्नेहल बेसकर, प्रा. भगवत ढेकवार, प्रा. जाहिद अन्सारी आणि प्रा. विपीन डभेरे या शिक्षकांसह शिक्षकेतर कर्मचारी धनंजय पाठक, प्रतीक पाठक आणि नितीन गिलबिले यांनी महत्त्वपूर्ण योगदान दिले.दोन वर्षांच्या कालावधीत राबविण्यात येणाऱ्या विविध उपक्रमांमुळे विद्यार्थ्यांना केवळ पुस्तकी ज्ञानापुरते मर्यादित न राहता प्रत्यक्ष औद्योगिक अनुभव घेता येणार आहे. उद्योगक्षेत्राच्या बदलत्या गरजा लक्षात घेऊन तांत्रिक कौशल्ये विकसित करणे, विद्यार्थ्यांची रोजगारक्षमता वाढविणे आणि त्यांना औद्योगिक क्षेत्रातील आव्हानांसाठी सक्षम बनविणे, हा या सहकार्याचा प्रमुख उद्देश आहे. BIT बल्लारपूर आणि CIPET चंद्रपूर यांच्यातील हा सामंजस्य करार गुणवत्तापूर्ण तांत्रिक शिक्षण आणि उद्योगाभिमुख प्रशिक्षणाच्या दिशेने महत्त्वपूर्ण पाऊल मानले जात आहे.)
