महत्वाच्या बातम्या

भरधाव कारच्या धडकेत ७५ वर्षीय वृद्ध महिलेचा दुर्दैवी मृत्यू

विदर्भ न्यूज एक्सप्रेस
प्रतिनिधी / नागपूर : नागपूरमध्ये वाडी पोलिस ठाण्याच्या हद्दीतील नागपूर-अमरावती मार्गावर रविवारी दुपारी सुमारे एक वाजताच्या सुमारास भरधाव कारच्या धडकेत ७५ वर्षीय वृद्ध महिलेचा दुर्दैवी मृत्यू झाला.

मृतक महिलेचे नाव शांता गणपत आंधे (७५, अजयनगर, अंबाझरी) आहे. त्या त्यांच्या मुलीच्या उसाच्या दुकानाकडे जात होत्या. त्यांच्या मुलीचे नाव उषा विनोद चौधरी (४५, संजयनगर, पांढराबोडी) असून त्या त्या दिवशी रजत अपार्टमेंट समोरून रस्ता ओलांडत होत्या.

दरम्यान, एका राखडी रंगाच्या मारुती बोलेरो कारच्या चालकाने भरधाव वेगात येऊन त्यांना धडक दिली. या धडकेत शांता गंभीर जखमी झाल्या. तातडीने त्यांना सेनगुप्ता इस्पितळात दाखल केले गेले, पण उपचारादरम्यान त्यांचा मृत्यू झाला.

सध्या वाडी पोलिस या प्रकरणाची सखोल चौकशी करत आहेत आणि कार चालकाविरुद्ध आवश्यक ती कायदेशीर कारवाई सुरू केली आहे.