महत्वाच्या बातम्या

छत्तीसगडमध्ये सुरक्षा दलांचा मोठा प्रहार, कुख्यात नक्षली कमांडर माडवी हिडमा ठार

विदर्भ न्यूज एक्सप्रेस
वृत्तसंस्था / छत्तीसगड : आज सकाळी छत्तीसगडमधील नक्षल प्रभावित क्षेत्रात सुरक्षा दलांनी नक्षलवाद्यांवर आणखी एक मोठा प्रहार करत, कुख्यात नक्षली कमांडर माडवी हिडमाला ठार केले आहे. हिडमाच्या मृत्यूसह, त्याची पत्नीही या चकमकीत मारली गेली आहे. हिडमावर छत्तीसगड आणि इतर राज्यांकडून १ कोटी रुपयांचे बक्षीस ठेवले होते, आणि तो बस्तरमधील नक्षलवाद्यांचा सर्वात मोठा नेता मानला जात होता.

मिळालेल्या माहितीनुसार, मंगळवारी सकाळी छत्तीसगडच्या नक्षल प्रभावी सीमा भागात सुरक्षा दलांने नक्षलवाद्यांशी चकमक सुरू केली होती. या चकमकीत हिडमा आणि त्याच्या पत्नीचा मृत्यू झाला आहे. हिडमाचे निधन नक्षलवाद्यांच्या चळवळीला मोठा धक्का ठरले आहे, कारण त्याने माओवाद्यांच्या गटाचे नेतृत्व काही काळापूर्वीच स्वीकारले होते.

सुरक्षा दलांनी गेल्या काही वर्षांमध्ये नक्षलवाद्यांविरुद्ध जोरदार कारवाई केली आहे, ज्यामुळे नक्षल चळवळ कमकुवत झाली आहे. हिडमाचा मृत्यू नक्षलवाद्यांसाठी एक मोठा धक्का मानला जात आहे, कारण त्याच्या नेतृत्वाखाली माओवादी संघटना आपले अस्तित्व टिकवण्याच्या प्रयत्नात होती.

हिडमा हा बस्तरमधील नक्षलवाद्यांच्या सेंट्रल कमिटीचा एक प्रमुख सदस्य होता आणि त्याने माओवादी चळवळेच्या अनेक मोहिमा राबवलेल्या होत्या. सुरक्षा दलांनी त्याच्या विरुद्ध अनेक मोहीम राबवल्या होत्या, परंतु त्याला पकडण्यात यश आले नाही.

मात्र आजच्या चकमकीत त्याचा अंत झाला आहे. हिडमाच्या मृत्यूमुळे माओवादी चळवळ अधिकच कमजोर होण्याची शक्यता आहे, आणि या घटनेनंतर सुरक्षा दलांची कार्यवाही अधिक तीव्र होण्याची शक्यता आहे.