Petrol Price
दारूबंदी गुन्ह्यांत जप्त ३३ दुचाकी घेऊन जाण्याचे आवाहन
- १५ दिवसांनंतर वाहनांचा ई-लिलाव होणार
विदर्भ न्यूज एक्सप्रेस
प्रतिनिधी / वर्धा : राज्य उत्पादन शुल्क विभागाने दारूबंदी गुन्ह्यांत जप्त केलेल्या ३३ दुचाकी वाहनांचा ई-लिलाव करून ती शासकीय जमा करण्याची कार्यवाही सुरू केली आहे. संबंधित वाहनमालकांनी आपली जप्त वाहने मुदतीत घेऊन जावीत, असे आवाहन राज्य उत्पादन शुल्क विभागाने केले आहे.
दारूबंदी गुन्ह्यांत जप्त करण्यात आलेली वाहने सोडविण्याबाबत न्यायालयाचे आदेश असलेल्या नागरिकांनी संबंधित आदेशांसह राज्य उत्पादन शुल्क विभागाच्या भरारी पथकाच्या आरती चौक येथील कार्यालयाशी संपर्क साधावा. तसेच खालील मोबाईल क्रमांकांवर संपर्क साधून आपल्या वाहनाबाबत खात्री करून घ्यावी.
संपर्क क्रमांक :
९५७९९०९३४३
९९२३५३७२६२
संबंधित नागरिकांनी १५ दिवसांच्या आत आपली जप्त वाहने ताब्यात घ्यावीत. अन्यथा, १५ दिवसांनंतर जप्त वाहनांचा ई-लिलाव करण्यात येईल, अशी माहिती राज्य उत्पादन शुल्क विभागाच्या अधीक्षकांनी दिली आहे.
